Zula Beach House and Cottage

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 20:00
Uitkloktyd: 11:00
Adres: Langstrandweg 9, Mosselbank, Paternoster, 7381, Wes-Kaap
Vanaf R2 000 per nag (plek vir 2)

Beskrywing

Zula Beach House and Cottage is 'n pragtige grasdakhuis met 'n uitsig oor die sandduine en die baai in Paternoster. Die huis bied alles wat gaste vir 'n familiereünie benodig. Gaste kan op die strand gaan stap of draf, in die dorpie uiteet en die strandfront reg voor die huis is 'n uitstekende plek vir sweefski en branderplankry.

Zula Beach House bied slaapplek aan 6 volwassenes en 4 kinders en daar is 'n aparte kothuis met slaapplek vir 2 volwassenes. Die huis en kothuis kan apart of saam vir 'n groot groep bespreek word. Honde is ook teen 'n ekstra koste welkom.

The Beach House beskik oor 3 slaapkamers, 'n solderkamer, 3 badkamers en 'n oopplan-kombuis en -leefarea. Die kombuis is met 'n stoof, oond, yskas-vrieskas, mikrogolf, eetgerei en breekware toegerus. Die eetarea het sitplek vir 8 gaste en die sitarea het 'n kaggel, 'n sitkamerstel en 'n platskerm-TV. Gratis WiFi word ook voorsien.

The Beach Cottage is 'n oopplan-ateljeewoonstel wat apart van die hoofhuis verhuur word. Die woonstel het 'n koninggrootte-bed wat ook in 2 enkelbeddens omskep kan word en 'n en suite-badkamer met 'n stort. Die kothuis het 'n kombuisie, kaggel, TV met sekere DStv-kanale en gratis WiFi. Buite is daar 'n gasbraai en 2 sonstoele op 'n strandfrontdek.

Kry ’n Kwotasie