Beskrywing

Zulani Safaris is 'n privaat wildplaas wat in die Soutpansberge in Limpopo-provinsie geleë is. Dit word omring deur 'n groot verskeidenheid wild in die oop vlaktes, bosveld en doringveld.

Die kampe is in die pragtige Knobthorn- en Syringa-omgewing geleë. Die chalets is langs 'n watergat wat deur spreiligte verlig word en waar daar dikwels wild te siene is. Jy kan kies tussen eenhede met selfsorggeriewe, B&B-geriewe of eenhede waar alle maaltye ingesluit word. Hierdie kamp het 'n pragtige uitsig oor die Soutpansberge en sluit 'n braaiplek, 'n swembad en 'n ten volle toegeruste lapa wat dikwels vir konferensies gebuik word, in. Die kamp het ook 4 luukse tente, insluitend 'n wittebroodtent.

Die Rondawelkamp is in die styl van 'n Afrika-dorpie en bied aan gaste 'n wonderlike atmosfeer, veral saans rondom die kampvuur. Hierdie kamp het ook 'n lapa en swembad.

Zulani Lodge is in 'n tropiese oase geleë, met 'n swembad en 'n kroeg. Daar is 4 slaapkamers en 'n sondek waar jy kan wild kyk. Dit is ideaal vir gaste wat op 'n B&B-basis wil bly of vir diegene wat verkies dat alle maaltye ingesluit word.

Selfbegeleide toere kan te voet gedoen word of op fietse wat deur Zulani Safaris voorsien word. Ons is naby die Mapungubwe Nasionale Park, die Blouberg Reservaat en Makgabeng. By Makgabeng kan jy oor die 800 San en Venda rotstekeninge sien. Daguitstappies kan gereël word.