Geverifieerde Resensie
Baviaanskloof
Al die resensies is deur LekkeSlaap-gaste geskryf wat in Baviaanskloof bespreek het
Hierdie plek het 'n gemiddeld van 4.2 uit 5 gekry volgens 161 resensies.
"Joubertina self is hie werklik 'n toerismebestemming nie. Daar is darem plek om brandstof te kry en 'n winkeltjie of twee om die nodige dingetjies te koop. Dis meer die Kouga-vallei rondom Joubertina wat die groot aanloklikheid is."
"Daar is baie verskuilde afdraaipaaie waarvan die toeris nie bewus sal wees as hy net deur ry nie: grondpaaie na die Kouga wildernisgebied, Twee Rivier se hoek asook by Joubertina en Krakeelrivier. Vanaf Twee Rivier kan met 'n grondpad gery word al agter die berge tot by Louterwater. Mooi natuurskoon tussen die plase deur. Op die oog af is die dorpie verwaarloos en dit word deur die droogte vererger, maar dit is 'n juweel. Ernstige stappers kan ook Pick Formosa uitklim en dan die see, Tsitsikamma en Plettenbergbaai sien. (ek het in die Langkloof groot geword)"
"Klein plaasdorpie. Ongerepte natuur. Pragtige plek vir die natuurliefhebbers. Sal net nie aanbeveel dat enige families na die restaurant The Belfry Kitchen toe gaan met klein kindertjies nie. Kinders is glad nie welkom daar nie. Mense is baie vriendelik en behulpsaam op die plaas. Die haaswinkeltjie verkoop heerlike beskuit en vyekonfyt."
"Belfry Kitchen by Tweeriviere, Joubertina is voorwaar 'n aantrekkingskrag vir toeriste. So ook die buiteklub se restaurant - die kos en bediening is baie goed."
"Kort dalk net meer aanwysings wat die kilometers na die opvolgende plekke wys en wat ook dan so op die kaart aangebring word om meer te bepaal waar jy is."
"Ons verkies stiller agterpaaie en die minder gewilde bestemmings. Pragtige natuurskoon."
"Ons was nou nie baie in die dorp self nie, maar dit is 'n pragtige plek."
"Joubertina is baie klein en daar is nie veel om te doen nie. Die kitsbanke is buite werking en strate is in 'n baie swak toestand."
"The Meat pies sold at Apple County Take Away are excellent and the Boerewors sold at Bokmakierie Butchery are a must!"
"Rustige dorp met heerlike eetplekke. Baie vriendelike mense. Sal beslis weer daar 'n draai gaan maak."
"Los jou Sedan by die huis en gaan met 'n bakkie of 4x4! Hou jou hart vas vir die asemrowende tonele!"
"If you buy everything at home before going there that is fine, but you can't really buy stuff there. Not really shops to see, you need to travel to Humansdorp to the shops. I't is a farm area, just the minimum. But further great."
"Wou gaan kyk hoe lyk dit daar maar om 500 km net daarvoor te ry? Die geskiedenis en kloof het wel fassinerende inligting en tonele."
"So in die natuur kan jy jouself gun en dan voel dit soos 5ster weelde in die ongekunstelde omgewing. Ek sal die pad verder nie aanbeveel nie. Tot by Baviaanskloof was dit goed maar die res van die pas was nie geskik vir 'n Tucson nie. Nee ek sou liewer nog 'n nag daar gebly het en die onbegaanbare pad in die pas uitgelaat het."
"Joubertina het restaurant op R62 en dis absoluut fantastiese groot plek met lieflikste kos! Sal enige tyd iemand aanbeveel om daar te gaan eet!"
"Die Baviaanskloof self is 'n ervaring soos min en een van die "moet doen" dinge as jy lief is vir die agterpaaie. Ons het die roete met 'n "sagte" sportnutsvoertuig (met goeie grondvryhoogte) aangedurf na goeie reën - en steeds die roete maklik voltooi. Vriendelike mede-gebruikers het die tog verder aangenaam gemaak."
"Koop wat jy nodig het voor jy daar aankom of maak seker jy kan kry wat jy wil koop. Beperkte winkels beskikbaar."
"Die natuur is 'n belewenis maar as jy deur die wildernisgebied wil ry het jy verseker ten minste 'n hoë voertuig met "diff lock" of 'n 4x4 nodig."
"Die mense is almal baie vriendelik, die omgewing baie mooi en daar is heerlike eetplekke nie te ver van die dorpie af nie, bv. by Joubertina en Twee Rivieren."
"Baie mooi, bietjie uitputtend om die hele kloof in een dag deur te ry. "