Geverifieerde Resensie
Upper Karoo
Al die resensies is deur LekkeSlaap-gaste geskryf wat in Upper Karoo bespreek het
Hierdie plek het 'n gemiddeld van 4 uit 5 gekry volgens 3215 resensies.
"Noupoort is baie rustig en veilig en die mense is baie vriendelik. Daar is 'n groot supermark wat in al jou eet- en drinkbehoeftes kan voorsien. Daar is ook genoeg ander handelaars wat in ander behoeftes kan voorsien. Die dorp is skoon en netjies en die paaie is breed en maklik begaanbaar."
"Vosburg is 'n baie klein Karoo-dorpie. As jy rus en vrede soek is dit die plek vir jou."
"Maak seker jy vat kruideniers saam, die dorpie is baie beperk met winkels."
"Pragtige plaaslike Karoodorpie. Ons het dit nie regtig verken nie omdat ons oornag het en weer vroeg gery het."
"Spandeer meer tyd daar en knoop gesprekke aan met die plaaslike mense. Dis kos vir die siel en gee jou weer moed vir ons land en sy mense!"
"Die droëwors by die slaghuis is baie lekker en die heuning daar te koop is heerlik. Skoon dorpie en almal doen moeite om besoekers tuis te laat voel."
"Die dorpie is erg afgerem en verwaarloos. Sal waarskynlik nie weer daar oorslaap nie."
"Baie mooi, stil en rustige plek vir 'n lekker wegbreek, kuier of tuiste. Almal is so vriendelik!"
"Jammer van die stofstrate, maar dit dra seker ook by tot die tipiese Karoo-atmosfeer. Maar weens die Stoep Tasting, was die dorpie baie besig en stowwerig. Ons was vier dae daar, maar ek dink nie buite die feestyd is daar genoeg om mens langer as twee dae besig te hou nie. Die besienswaardighede is egter baie interessant."