Geverifieerde Resensie
Dolphin Coast
Al die resensies is deur LekkeSlaap-gaste geskryf wat in Dolphin Coast bespreek het
Hierdie plek het 'n gemiddeld van 4.7 uit 5 gekry volgens 1388 resensies.
"Lekker klein plek om vakansie te gaan hou. Strand is redelik skoon, maar twyfel of dit werklik van Blouvlag-standaard is en het die getypoel baie geniet."
"Heerlik sentraal, lieflike strandjies aan weerskante. Genoeg om te doen. Sal beslis Shaka's Rock aanbeveel en self teruggaan."
"Ongelukkig nie die ideale swemstrand nie, maar wonderlike natuurskoon en baie netjies."
"Zimbali is beslis vyfster-kwaliteit! Al die lieflike swembaddens om van te kies om in te swem is net groot bederf. Al wat ek kon wens is dat ons toegangkaartjies by die woudgedeelte van die estate kon ingaan, want ek sou dit graag vir my dogter wou wys."
"Die "klein" vakansiedorp is besig om te verdwyn. Selfs buiteseisoen was dit bedrywig"
"Ballito-omgewing het in 'n wolkekrabber-omgewing verander. Die strande ly skipbreuk met die Suidkus en die Suid-Kaap. Die eetplekke is ongelooflik duur en van die restaurante het onsmaaklike kos."
"Beslis die plek waar jy will wees as jy rustigheid will hê. Indien jy van die naglewe hou, is die opsies maar 'n bietjie skraal. Afgesien daarvan is daar geen klagtes nie. Die strande was netjies en skoon en die mense vriendelik. Sal defintief weer gaan."
"Zimbali is 'n paradys! Baie veilig met wêreldklas geriewe en iets vir die hele gesin om te doen."
"Alles is daar wat jy benodig. Miskien sal 'n Chinese eetplekkie met wegneemetes goed wees, maar verder geen probleem."
"Flag Animal Farm is 'n wonderlike uitstappie vir die kinders! Probeer ook Waterberry Cafe in Ballito - baie kindervriendelik!"
"Ons het die 4 dae baie geniet, ten spyte van die feestyd. Genoeg verskillende seeplekke vir mense wat kan loop en klim, asook lekker restaurante en winkels. Aangename atmosfeer en pragtige uitsigte en heerlike plekke vir gesinne om te geniet: gety- en rotspoele en 'n variasie van lang strande en verskillende tipe swemareas."
"Williard Beach het ongelukkig 'n baie onveilige strand geword. Die hele swemarea is 'n klipbank en dit raak onmoontlik om sonder swemskoene te swem. Daar was deurgaans kinders wat kleiner beserings opgedoen het agv die klipbanke in die swemarea."
"Baie mooi omgewing, maar beslis nie gunstige strande vir jong kinders om in te swem nie. Daar is wel getypoele, maar kinders wil graag in die golwe baljaar. Ons het meestal Durban toe gery sodat die kinders kon swem. Swemareas word vinnig diep met sterk systrome. Miskien moet ontwikkelaars dit oorweeg om kegelbane by een van die nuwe opkomende winkelsentrums te installeer. In die aande en dae wat dit nie gunstig is vir swem nie, sal dit baie beslis goeie aftrek kry. Maar oor die algemeen is dit 'n baie lekker en veilige area om vakansie te hou."
