Geverifieerde Resensie
Karoo
Al die resensies is deur LekkeSlaap-gaste geskryf wat in Karoo bespreek het
Hierdie plek het 'n gemiddeld van 4.2 uit 5 gekry volgens 11906 resensies.
"Baie om te geniet en te besigtig in en om Prins Albert. Bly ten minste 3 dae om so veel moontlik te benut."
"Baie mooi plekkie, net jammer ons kon nie by die Reinet-huis ingaan nie omdat hulle besig was om die plekkie op te knap. Dit maak wel 'n mens se hart bly dat dit so mooi instandgehou word. Dit is 'n prentjiemooi plek, al die ou huisies en vriendelike mense. Ons hoop om volgende keer langer te vertoef. Dit is 'n moet vir elkeen om daarheen te gaan."
"Al die paaie is nie so goed nie – veral as 'n mens grondpaadjies tot by jou bestemming moet ry."
"Colesberg het 'n ryke geskiedenis wat ons almal behoort te weet van. Ons jaag egter by die dorp verby, sonder om in te gaan en die dorp te ontdek. As hulle 'n Toerisme forum het, kan dié gerus meer doen. Komplimente aan die bestuurder van die OK, hy het my met 'n vriendelike handdruk in sy winkel verwelkom. Ek was baie teleurgesteld met die swak onderhoud van die sakekern, veral die onderste gedeelte."
"Ek hou van stil, maar dit was baie stil, en elke straat het 'n nommer 4. Definitief net 'n oorslaap, maar moenie te vroeg of te laat daar aankom nie, want die dorp gaan in sluimer teen 5h. Stap deur die strate om 'n huise te kies vir aftrede, eet by 'n restaurant en gaan slaap. "
"Willowmore is 'n besonderse Karoodorp met baie geskiedenis rondom dit. Baie leersaam. "
"Ons het lekker "lamb shank" by die Merino restaurant (die enigste in die dorp) geëet. Ek sou sê nog 'n koffiewinkel en merino produkte as "arts & crafts" sal ook 'n aanwins wees. Ons het egter net oornag en nie baie tyd in die dorp spandeer nie."
"Die dorp is skoon en mense is vriendelik. Nie veel om te doen in die dorp."
"Dis die skoonste en mooiste dorpie wat ek in n baie lang tyd gesien het. Die mense is vriendelik en die omgewing baie ryk aan geskiedenis. Enige fotograaf se droom! "
"Wat 'n lekker dorp. In die toekoms sal ons beslis langer bly in Prins Albert."
"It is worthwhile to stop over and just catch your breath here. A busy little town but not too busy to relax."
"Lekker gerieflike oorslaapdorp. Heerlike restaurante en oulike snuffelwinkeltjies. Genoeg ander besigtighede om van te kies. "
"Die paar ure wat ons gehad het om Beaufort-Wes te verken was duidelik te min. Daar is nog heelwat om te sien en doen. Pragtige ou kerke en heelwat interessante winkeltjies. "
"Vanderkloof is a nice town to use as a base to explore the south western Free State and the Bo-Karoo. Wish the municipality would sort out the caravan park, but you can also make use of Die Sandgat caravan park just outside town on the way to Philipstown."
"Victoria West, moet in samewerking met al drie vlakke van die regering, die dorp bemark as 'n kultuur-historiese ervaring. Dit kan bydra tot werkskepping in die toerismebedryf, en 'n toekoms bied vir die inwoners."
"Colesberg is 'n baie lekker plek om tydens 'n langerige reis oor te bly en te rus. Ons ervaring is dat baie vriendelike en gasvrye mense in Colesberg bly."