Geverifieerde Resensie
Mpumalanga
Al die resensies is deur LekkeSlaap-gaste geskryf wat in Mpumalanga bespreek het
Hierdie plek het 'n gemiddeld van 4.4 uit 5 gekry volgens 10162 resensies.
"Baie van die eetplekke se diens kort werk. Ons het twee plekke gekry wat besonders was (Katinkas en die Coachman), hulle kos was baie lekker en diens uitstekend. Die Bird of Prey Sanctuary is ook 'n moet."
"Dit is baie jammer dat die toestand van die paaie na en van Dullstroom so swak is. Die omgewing is baie mooi. Dit lyk na 'n lekker toerismebestemming."
"Ons het net deur Sabie gery, nie gestop nie, maar baie nuwe eetplekke en dinge wat aanloklik gelyk het!"
"Ons het die stilte in die bos geniet. Sommige strate is vir ons te digbevolk. Die mak diere is seker vir stedelinge wonderlik, maar vir ons was dit onnatuurlik. Tog was dit lekker in Marloth!"
"As jy bang is vir wilde diere, glo ek nie Marloth is die regte plek nie, daar is baie wild oral om jou. As jy 'n persoon is wat lief is vir die natuur en die natuur en diere respekteer — enige tyd. Marloth is in die bos, presies net dit, niks meer niks minder — perfek vir natuurliefhebbers."
"Indien jy iets vergeet het by die huis, het die winkels binne in Marloth als wat jy nodig het. Anders is die Spar in Komatiepoort puik!"
"Baie lekker kuierbestemming, maar die paaie is maar 'n uitdaging, veral as jy nie 'n hoë voertuig het nie."
"Marloth is 'n baie nice plek. Sal dit aanbeveel vir enige gesin wat wil wegkom en rustigheid soek."
"Dis nie 'n netjiese wildspark nie. Die paaie is nie goed nie. Daar is so baie bouers en verkeer in en uit. Dit skep nie 'n veilige omgewing nie. In die nag hoor jy verbygaande verkeer."
"Panoramaroete saam Hazyview Skytrails was 'n wenner vir ons gesin en natuurlik Petena's Pancakes is 'n moet in Sabie."
"Persoonlik dink ek dat Dullstroom 'n bietjie oor-verkoop word, maar dit is nie sleg nie. Eetplekke is baie goed (ook die verskeidenheid van eetplekke), maar die winkels is maar baie meh. Die parkeerassistente was ook verskriklik opdringerig (selfs 'n slag of wat aggressief) en neem weg van wat 'n goeie ondervinding kon wees."