Geverifieerde Resensie
Philippolis
Al die resensies is deur LekkeSlaap-gaste geskryf wat in Philippolis bespreek het
Hierdie plek het 'n gemiddeld van 4.1 uit 5 gekry volgens 218 resensies.
"Philippolis is die oudste bestaande nedersetting in Suid-Afrika. Daar is baie geskiedenis en die dorpie is taamlik mooi opgepas deur privaat eienaars. Die strate en dorp se infrastruktuur is maar soos al die ander klein dorpies in SA wat deur die huidige regerende party bestuur word - nie baie goed nie. Die Philippolis Hotel bedien heerlike etes en die hoofstraat het 'n paar interessante winkels om te besoek. Definitief die stop werd. Daar is ook heelwat oornagplek beskikbaar."
"'n Suid-Vrystaatse kleinnood op die agterpad. Verlaat gerus die N1, vir wye, ongerepte landskap."
"Philipolis bied 'n alternatief vir oornag. 'n Bietjie van 'n draai, maar veilig en interessant. Die straat vol mooi ou huisies vir oornagverblyf en eetplek bied iets anders."
"Wat 'n verrassing. So klein dorpie. Pragtige kerk en 'n plek met 'n groot geskiedenis."
"Nogal 'n interessante dorpie met vriendelike mense. Net jammer die meeste van die winkeltjies se deure is toe, dan voel mens nie om in te stap nie. Verstaanbaar ook, want geen mens kan onbepaald wag op moontlike reisigers om die dorp te besoek nie."
"Ongeveer 10km buite Philippolis in 'n craft beer plek, Waterkloof Brewery. Heerlik gekuier met lekker "craft" bier en gin. Beslis die moeite werd om hier te stop."
"Dit is 'n interessante dorpie, maar daar is nie veel beskikbaar in die plaaslike winkels nie. Ek sou aanbeveel dat as mens daar gaan bly vir 'n paar dae dat mens meeste van wat jy nodig sal hê saamvat."
"Ontsnapping van die gejaag, rus vir die siel! Genieting van ouwêrelde gasvryheid."
"Ons was te kort daar om werklik alles te besigtig, maar daar is 'n paar geskiedkundige geboue wat ons op 'n later stadium sal besoek. Die omgewing en die natuur is baie mooi, tussen Tromspburg is die teerpad gangbaar maar tussen Philippolis en Colesberg moet bestuurders werklik met oop oë op die pad ry."
"Baie klein en stil dorpie met 'n interessante geskiedenis, maar dit kort bietjie aandag."
"At the moment it is more of a stopover destination, but the town is undergoing a revival."
"Karaktervolle dorp, ietwat verwaarloos. Die paaie/strate het aandag nodig. Die Adam Kok (kanon kop) en Emily Hobhouse gedenktuin nie op standaard nie. Die ou kerk vorm 'n mooi fokuspunt in die dorp. Verskeie ou huise en geboue op die dorp is mooi gerestoureer en omskep in oornaghuisvesting."
"'n Mens het beslis meer as 'n oornagbesoek nodig om werklik die dorp en omgewing te verken."
"Die dorpie self is bietjie verwaarloos, maar dit mag dalk wees as gevolg van die Kerstyd."
"Het baie veilig gevoel al het ons motor in die straat gestaan. Die dorpie self het egter nie meer dieselfde bekoring van 'n plattelandse dorpie nie. Baie jammer dat die kafees nie meer deur die plaaslike inwoners bedryf word nie."
"This is a must-stay if you are driving from CPT to Pretoria. We were greeted by the friendliest hosts and we had an amazing evening at the restaurant. I will recommend Philippolis Hotel to anyone from families with young children to large groups of friends."
"Nie vir toerisme nie, maar definitief groot potentiële oornag verblyf dorpie."
