Geverifieerde Resensie
Stanford
Al die resensies is deur LekkeSlaap-gaste geskryf wat in Stanford bespreek het
Hierdie plek het 'n gemiddeld van 4.6 uit 5 gekry volgens 220 resensies.
"Ons het op 'n Sondagmiddag daar aangekom. Ons is verseker dat ons aandete in dorp sou kry. Daar is egter geen eetplek oop in Stanford op 'n Sondagaand nie. Dankie tog vir OK Grocer!"
"Die personeel in die toeriste inligting kantoor het bitter min geweet oor die omgewing en ons bloot pamflette met oppervlakkige inligting oorhandig - wat selfs nog verkeerde inligting verskaf! Byvoorbeeld, dat Springfotein se wynproe en restaurant toe is op Donderdag - wat nie die geval is nie - ons het maar 'n kans gevat en dit was oop! Stanford is 'n fantastiese plek, maar dit word uiters swak bemark! Plekke soos Misty Mountains gaan dit 'n slegte naam gee!"
"Pragtige argitektuur in die dorp en Burkenhead Winery and Brewery is net buite die dorp - definitief 'n moet as jy die dorp besoek."
"Neat and friendly village, with wonderful places to eat and excellent options for exploring the area."
"Dit is beslis 'n besoek werd en ons sal weer gaan. Die staproete al langs die rivier was heerlik en die natuur is pragtig. Daar is baie voëls, maar die voëlskuiling was gesluit en ons het nie die sleutel aangevra nie. Stanford is goed geleë vir besoeke aan wynplase en die nuwe staproete na die grot op Philipskop om die San-rotstekeninge te besigtig ... 'n belewenis! Die veld was pragtig oortrek met sewejaartjies in blom. Jammer van die droogte - die waterval was droog, maar die rotsformasies was indrukwekkend. Ons het ongelukkig nie tyd gehad om die kaasfabriek te besoek nie, maar sal volgende keer graag daar 'n draai wil maak."
"Die gemeenskap sal moet aandag gee aan die kinders wat op 'n Sondag in die middedorp bedel. Dit is 'n irritasie as 'n mens rustig wil rondstap tussen die winkels wat oop is en kinders volg jou."
"Fantasties! Het baie mense ontmoet en nuwe vriende gemaak. Sal wel weer gaan kuier, maar iets meer gestremdheidsvriendelik huur. Het wel gevind dat "Bugler's Cottage" en "B's Cottage" gepas sal wees. Hulle is albei op julle boeke."
"Ons was lekker verras met Stanford. Wat 'n besige, vriendelike en ongelooflike plek. Ons kan nie wag om weer daar te kuier nie. Ek en my man het ordentlik ontspan. Baie dankie."
"Onverwags interresant. Goeie restaurant by die Ou Meul Bakkery. "
"Baie mooi rustige plekkie, stil en stemmig met vriendelike mense en pragtige omgewing."
"Stanford is 'n baie gesellige klein dorpie met baie om te doen. Die inwoners is baie vriendelik, veral die eienaars Eben en Mari van Table 13 Restaurant en Pub. Ek sal dit aanbeveel vir enige iemand om gerus in die onbeskryflike mooi dorpie 'n draai te gaan maak."
"Baie oulike dorpie, al slegte ding is daar is te veel om te sien :) sal volgende keer langer as net 'n dag daar spandeer."
"Stanford is 'n kuierplek met heerlike eetplekke. Mariana en Springfontein is 'n moet! Ons het heerlik gekuier in Springfontein se Barn wat net om die draai is en dit is 'n heerlike, cozy, pragtige en rustige uithangplek in die aand wat glad nie duur is nie. Op pad uit die dorp koop 'n heerlike vars brood en ander lekker prentjiemooi eetgoed by die Ou Meul. Gaan gerus na die kaasplaas en gaan proe bier net buite die dorp. Heerlik!"