Geverifieerde Resensie
Victoria West
Al die resensies is deur LekkeSlaap-gaste geskryf wat in Victoria West bespreek het
Hierdie plek het 'n gemiddeld van 3.9 uit 5 gekry volgens 468 resensies.
"Die resturant was voldoende, maar na 18:00 is dit maar 'n probleem om iets te koop in die dorp. Ons het ongelukkig net die dorp in die donker gesien."
"Pragtige plekkie, wens ons kon langer daar bly om die hele dorpie te beleef - baie rustig en stil oor 'n langnaweek."
"Pragtige dorpie! Onthou net dat die restaurant in die dorpie toe is op 'n Sondag."
"Ek dink ek sal maklik daar kan bly, baie rustig. Dit is 'n pragtige plattelandse plekkie."
"Victoria Wes is die perfekte rusplek tussen die noorde en die suide: rustige Karoodorp met die blouste lug bedags en die pragtige sterrehemel saans. Hier moet mens eintlik langer as net een aand oorbly."
"Groot verbetering die afgelope jaar of twee. Besoek verseker die NG Kerk asook die museum."
"Wanneer mens deur Victoria Wes reis, besef mens glad nie dat dit eintlik 'n pragtige dorpie is nie. Ons sou bitter graag nog 'n bietjie langer wou vertoef om die dorpie verder te verken. Ons was aangenaam verras."
"Hulle kan gerus die strate teer. Dit kan net goed wees vir die dorp en die toeriste."
"Het net deurgery en in Victoria West oornag. Ek was baie beindruk met die verligte kruis op die koppie by die dorp."
"Dit lyk wel of daar moeite gemaak word om die geboue in die dorp op te knap. In sekere dele van die dorp en net buite Victoria-Wes is dit egter ongelooflik vuil met vullis wat die hele wêreld vol gestrooi lê."
"Die dorpie is 'n goeie oornagbestemming op jou reis Kaap toe en die mense doen moeite om hul dorpie skoon en mooi te maak. "
"'n Tipiese Karoodorpie. Gasvrye mense. Ons was ook geseend met 'n heerlike reënbui net so voor ons vertrek het. "
"Dis 'n heerlike bestemming om deel te maak van enige reis. Ek sou ten minste twee aande bly om jouself kans te gee om na die Mannetjie Roux museum te gaan en ook van die erfenis te beleef. Die brosjures sê dat die gebied in September in blomme onthul is, wat verseker die moeite werd sal wees om te beleef."
"Ons het nie te lank in Victoria-Wes gebly om 'n goeie objektiewe skryfstuk te gee oor die area nie. Ek kan wel noem dat dit baie plattelands is."
"Probeer gerus aandete by die Hotel. Dit is onder nuwe bestuur en die kos is heerlik en die hotel is pragtig gerestoureer. "