Geverifieerde Resensie
Vrede
Al die resensies is deur LekkeSlaap-gaste geskryf wat in Vrede bespreek het
Hierdie plek het 'n gemiddeld van 3.5 uit 5 gekry volgens 37 resensies.
"Die dorpie het baie agteruit gegaan, maar dit was 'n gerieflike oornagplek vir ons reis."
"Vrede se inwoners is baie vriendelik en 'n mooi plattelandse dorpie om rustig te oornag."
"Misdaad vier hooggety in die dorp en volgens die inwoners word motordiefstal en inbraaksake nie eers meer ondersoek nie aangesien die polisie daaraan meedoen en die misdadigers beskerm. Misdaad is ongelukkig meer skadelik as staatskaping aangesien misdaad die instrument is waarmee ekonomiese kaping uitgevoer word en dit is veel meer brutaal met langdurige gevolge wat bitter moeilik omgekeer word. Die hoeveelheid bouvalle, die swak toestand van al die strate, infrastruktuur oor die algemeen is kommerwekkende indikators en besighede word onteenseglik negatief geraak."
"As dit beurtkrag is, kan jy niks koop met 'n kaart nie en jy kan ook nie geld trek nie. Vat baie kontant!"
"Dorp is niks om oor huis toe te skryf nie, maar daar is mooi plekke naby aan die dorp om te verken."
"Die rommelbestrooide strate en die algemene verval van die padoppervlakte is 'n jammerte. Dit kon egter niks wegvat van die Vrystaatse Gasvryheid en bekoring van die natuur tonele uniek aan die riemland nie."
"Vrede was once the most beautiful town in the Freestate. Perhaps travellers can look and find that same beauty again but it will be hard."
"Die pad is amper onbegaanbaar (en jy moet uitkyk vir die beeste in die pad!). Dit kon op 'n tyd 'n pragtige klein dorpie gewees het, maar die agteruitgang is sigbaar. Die hotel se restaurant het ten minste heerlike etes!"
"Die agteruitgang van die pragtige ou dorpie is opmerklik en hartseer, maar die regering en plaaslike munisipaliteit is hiervoor te blameer."
"Lekker wegbreeknaweek vir volwassenes. Kinders gaan dalk verveeld wees. Perfekte oorstop op pad kus toe. Besoek gerus Môreson Ranch om die hoekie om kinders gelukkig te hou."
"Die dorp is bietjie vervalle. Die omgewing om die dorp is mooi en 'n besoek werd. Die gholfbaan was 'n aangename verrassing! "
"Vrede is maar 'n klein, stil plekkie, maar ek het nie genoeg kennis van die plek, om 'n oordeel te maak nie."
"Plattelandse dorpies het hul eie bekoring. Gaan krap en loop rond in al die winkeltjies en omgewing. Soek en jy sal iets vind wat jou laat tiek."
"Like so many small town in the countryside, the town goes down hill with every year that passes. We did not feel comfortable to stop anywhere and decided to push on to Heidelberg instead."
"Die hotel in die dorp bied ongelooflike disse en is baie deftig. Dis net jammer dat die rommel orals gestrooi lê wanneer jy in Vrede aankom."
"Dit het in ons behoefte van blyplek vervul. Die natuur was verfrissend. Ons was nie in die dorp self nie."
