@ The Beach

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Sandpiper-laan 4, Astonbaai, 6332, Oos-Kaap
Vanaf R1 650 per nag (plek vir 6)

Beskrywing

@ The Beach is 'n ruim en smaakvol versierde selfsorgwoonstel in 'n veilige kompleks in Astonbaai en spog met lieflike see-uitsigte in die verte. Dit is 'n ideale opsie vir 'n gesinsvakansie aangesien dit binne stapafstand van Astonbaai-strand af is.

Dié duplekswoonstel het slaapplek vir 'n maksimum van 6 gaste op 'n slag en beskik oor 3 slaapkamers en 2 badkamers asook 'n gastetoilet. Die hoofslaapkamer het see-uitsigte en is ingerig met 'n dubbelbed en 'n TV. Dié kamer het 'n en suite-badkamer met 'n stort. Die ander 2 slaapkamers het elk 'n dubbelbed en maak gebruik van die tweede badkamer met 'n bad. Alle linne en badhanddoeke word voorsien; gaste moet egter hul eie strandhanddoeke saambring.

Die oopplan-leefarea beskik oor 'n kombuis wat volledig toegerus is met 'n stoof, oond, mikrogolf, yskas-vrieskas, eetgerei en breekware asook 'n skottelgoedwasser. Van die kombuis af lei 'n ronde etenstafel met sitplek vir 6 en 'n knus sitkamer met gemaklike sitplek en 'n platskerm-TV met 'n volledige keuse van DStv-kanale. 'n Wasmasjien is ook in die eenheid beskikbaar.

Die leefarea maak oop op 'n balkon met 'n gasbraai, terwyl die grondvlak 'n buite-eettafel en 'n ingeboude braai het. Gaste kry veilige parkeerplek binne 'n toesluitmotorhuis.

Kry ’n Kwotasie