1 Sunset

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Hillweg 4, Table View, 7441, Wes-Kaap
Vanaf R1 900 per nag (plek vir 4)

Beskrywing

1 Sunset is 'n pragtige selfsorgvakansiewoonstel in 'n veilige kompleks in die hartjie van Table View. Dit is 'n wonderlike opsie vir 'n gesinswegbreek of 'n groepie vriende aangesien dit met 'n pragtige see-uitsig spog.

Die woonstel bied slaapplek aan 4 gaste en beskik oor 2 slaapkamers en 2 badkamers. Die hoofslaapkamer het 'n dubbelbed en 'n en suite-badkamer met 'n stort. Die tweede slaapkamer het 2 enkelbeddens en die tweede badkamer het 'n stort.

Die oopplan-leefarea beskik oor 'n kombuis wat met 'n stoof, oond, mikrogolf, yskas-vrieskas, eetgerei, breekware en tee- en koffiemaakgeriewe toegerus is. 'n Skottelgoedwasser en 'n wasmasjien is ook beskikbaar. Die kombuis lei na 'n leefarea met gemaklike sitplek, 'n TV en 'n etenstafel. Gratis WiFi is beskikbaar.

Die skuifdeur bied toegang tot 'n onderdakbalkon met 'n tafel, stoele en 'n uitsig oor die see. Gaste kan na die strand stap, of die nabygeleë restaurante, koffiewinkels en winkels besoek. Die V&A Waterfront se restaurante, vermaak en winkels is ook net 'n entjie se ry ver.

Kry ’n Kwotasie