Beskrywing

'n Eenheid in die South Coast Riviera wat slegs 100 m van die strand in Sea Park, Port Shepstone, af geleë is. Die woonstel bied pragtige uitsigte oor die Mtentweni-rivier, die beeldskone kuslyn met sy wit strande en die nimmereindigende, skitterende blou water. Hierdie is 'n wonderlike bestemming vir 2 gaste wat op soek is na 'n lekker strandvakansie.

Die slaapkamer beskik oor 'n koningingrootte-bed, vars linne, oorgenoeg pakplek in die kaste asook 'n en suite-badkamer met 'n stort en wasbak. Die aparte badkamer beskik oor 'n bad, 'n toilet en 'n wasbak.

Die kombuis en die sitkamer is oopplan, met lekker baie plek waar 'n mens kan ontspan. Die kombuis is ten volle toegerus vir selfsorg en sluit 'n yskas-vrieskas, 'n oond, 'n mikrogolf, 'n stoof en 'n ketel in. Die leefkamer het ekstra sitplek voor 'n platskerm-TV.

As jy op die stoep staan, sal jy die ongelooflike uitsigte kan geniet. Teug aan 'n skemerkelkie en geniet 'n ware vakansie langs die see. Stap gerus af na die strand, wat net 50 m weg is. Vir die kranige vissermanne en -vroue, is daar gulde geleenthede om lyn nat te maak in die omgewing.