Driftsands Colin Street 108

Beskrywing

Driftsands Sea View Flats is 50 m vanaf die seefront geleë en bied bekostigbare verblyf aan gesinne by die see. Dit is in Uvongo, ’n rustige kusdorpie 2 uur buite Durban, geleë. Hiér kan gaste ontspan en al die besienswaardighede in die area besoek.

Die moderne eenheid bied slaapplek aan 4 volwassenes en 2 kinders en beskik oor 2 slaapkamers, 2 badkamers en 'n groot oopplan-leefarea met 'n kombuis, sitarea en eetarea. Die hoofslaapkamer het 'n dubbelbed en 'n badkamer, net buite die slaapkamer, met 'n toilet, wasbak en bad. Die tweede slaapkamer het 2 enkelbeddens en 'n en suite-badkamer met 'n toilet, wasbak en stort. Die kombuis is met 'n stoof, oond, mikrogolf, yskas, ketel en broodrooster toegerus. Die sitarea het 'n platskerm-TV met die EasyView DStv-pakket. Gratis, onbeperkte WiFi is beskikbaar. Die eenheid is deurgaans geteël en het lugversorging in dei leefarea. Daar is ook 'n privaat balkon met 'n gasbraai en deurskynende blindings wat kan afrol.

Die kompleks het ’n swembad wat net vir gaste se gebruik is, talle braai-areas, ’n elektriese heining, ’n afstandbeheerde ingangshek en ’n sekuriteitswag wat saans patrolleer.

Daar is talle restaurante, kroeë en lekkernye stapafstand van die woonstel af.

Driftsand se ligging in die middel van die Suidkus is die ideale basis vanwaar gaste die besienswaardighede in die area kan besoek. Dit sluit in die wêreldbekende Oribikloof met avontuuraktiwiteite, soos die hoogste kloofswaai ter wêreld, en Lake Eland Wildreservaat met die hangbrug en 2 Zipline-toere. Die Wild Coast Casino Resort and Golf Course met die Wild Waves Waterpark en bootritte op die Umtamvuna-rivier is net 39 km ver. Die aktiewe besoekers kan ook die 8 puik gholfbane, talle stap- en fietsroetes, en strande vir sonbaai, stap en visvang besoek.