11 Coral Sands

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 09:00
Adres: Scottstraat 177, Scottburgh, 4180, KwaZulu-Natal
Vanaf R880 per nag (plek vir 4)

Beskrywing

11 Coral Sands is 'n vakansiewoonstel in 'n woonstelkompleks in die kusdorpie Scottsburgh. Die kompleks is ideaal geleë naby die strand, strandmeer en restaurante.

Dié eenheid het slaapplek vir 2 volwassenes en 2 kinders. Die eenheid kan ongelukkig nie 4 volwassenes akkommodeer nie aangesien die slaapgeriewe nie hiervoor toegerus is nie.

Die smaakvol gemeubileerde eenslaapkamerwoonstel is op die eerste verdieping geleë en bied slaapplek aan 2 volwassenes met 2 kinders. Die slaapkamer is ingerig met 'n dubbelbed asook 'n plafonwaaier, lugversorging en ingeboude kaste. 'n Slaapbank is in die sitkamer beskikbaar. Die gedeelde badkamer het 'n bad en stort.

Die kombuis is volledig toegerus met 'n yskas-vrieskas, stoof, oond, mikrogolf, ketel, ysmasjien en kooktoebehore. Die sitkamer met lugversorging het 'n slim-TV met WiFi en DStv Premium.

Daar is 'n gemeenskaplike braai-area naby die swembad. Veilige onderdakparkeerplek agter afgeleë hekke is beskikbaar en die kompleks het kringtelevisiekameras.

Besienswaardighede in die area sluit Crocworld Conservation Centre, Scottburgh Beach, TC Robertson Natuurreservaat en Scottburgh Gholfklub in.

Kry ’n Kwotasie