129 on Kloof Nek

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Kloofnekweg 129, Higgovale, Kaapstad, 8001, Wes-Kaap
Vanaf R5 665 per nag (plek vir 4)
TGCSA-gradering:

Beskrywing

129 on Kloof Nek is in die luukse woonbuurt Higgovale direk teen die voet van Tafelberg geleë en dit het 'n asemrowende uitsig oor die stad en die hawe. Hierdie elegante, stylvolle gastehuis bied selfsorgverblyf in 2 luukse woonstelle wat ideaal is vir sakereisigers en vakansiegangers.

Daar is 'n tuinwoonstel met 2 slaapkamers en 'n nog 'n woonstel met 3 slaapkamers. Elke woonstel het 'n kombuis wat volledig toegerus is, 'n sitkamer en 'n eetarea. Die kombuise is elk toegerus met 'n oond, stoof, mikrogolf, yskas-vrieskas, skottelgoedwasser, wasmasjien, tuimeldroër, 'n koffiemasjien, glase, breekware en eetgerei. Elke woonstel het 'n kantoor en studeerarea met 'n telefoon, WiFi, 'n drukker en toegang tot 'n gastetoilet. Daar is 'n TV met sekere DStv-kanale in elke leefkamer en in al die slaapkamers. Elke leefkamer het ook 'n HiFi-stelsel, 'n iPod-koppelstasie, lugversorging en ondervloerse verhitting.

Die perseel is veilig en bied privaatheid in 'n pragtige, inheemse tuin met 'n swembad wat met 'n kiaathoutdek omring is. Veilige parkeerplek is ook beskikbaar. 129 on Kloof Nek is sentraal geleë naby Clifton en Kampsbaai se wit sandstrande, die stad, bergroetes, winkels, restaurante en die V&A Waterfront. Die KIKS en die middestad is sowat 10 minute daarvandaan, wat gerieflik is vir sakreisigers.

Kry ’n Kwotasie