129 on Kloof Nek

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Kloofnekweg 129, Higgovale, Kaapstad, 8001, Wes-Kaap
Vanaf R5 665 per nag (plek vir 4)
TGCSA-gradering:

Beskrywing

129 on Kloof Nek is geleë in die luukse woonbuurt Higgovale, direk aan die voet van Tafelberg, met asemrowende uitsigte oor die stad en die hawe. Hierdie elegante, stylvol gemeubileerde gastehuis bied selfsorgverblyf in 2 luukse woonstelle, ideaal vir beide die sakereisiger en vakansieganger.

Verblyf word gebied in 'n 2-slaapkamer-tuinwoonstel en 'n 3-slaapkamerwoonstel. Elke woonstel beskik oor 'n volledig toegeruste kombuis, sitkamer en eetarea. Elke kombuis is toegerus met 'n oond en stoof, 'n mikrogolfoond, 'n yskas/vrieskas, 'n skottelgoedwasser, 'n wasmasjien en tuimeldroër, 'n koffiemasjien, glase, en eetgerei en breekware. Elke woonstel beskik ook oor 'n kantoor- en studeerarea met 'n foon, WiFi, en 'n drukker, asook toegang tot 'n gastetoilet. Daar is 'n TV met sekere DStv-kanale in elke sitkamer asook in al die slaapkamers. Elke woonkamer is ook toegerus met 'n Hi-Fi-stelsel, 'n iPod-koppelstasie, lugversorging en ondervloerse verhitting.

Hierdie veilige eiendom bied privaatheid in 'n pragtige inheemse tuin met 'n swembad omring deur 'n ruim teakdek. Veilige parkeerplek is ook beskikbaar. Die eiendom is sentraal geleë met toegang tot die pragtige wit sandstrande van Clifton en Kampsbaai, die stad, bergroetes, inkopies, restaurante en die V&A Waterfront. Vir die sakereisigers is die CTICC en die SSK ongeveer 10 minute weg.

Kry ’n Kwotasie