1322 Backpackers International

Rugsakreisigerslosies

Kapasiteit: 59 persone
Alle ouderdomme is welkom
Inkloktyd: 11:00 tot 20:00
Uitkloktyd: 11:00
Adres: Arcadiastraat 1322, Hatfield, Pretoria, 0083, Gauteng
Vanaf R583 per nag (plek vir 2)

Beskrywing

1322 Backpackers International is in die energieke woonbuurt, Hatfield, in Pretoria-Oos geleë. Hierdie gevestigde instansie word deur 'n gesin besit en bestuur en verwelkom gaste reeds sedert 2005. Dis slegs 10 minute se stap vanaf Hatfield Square, verskeie restaurante, meeste van die ambassades en winkels. Ons bied rugsakreisigersverblyf en is slegs 500 m vanaf die Gautrain-stasie en na genoeg aan al die doendinge, maar steeds ver genoeg om rus en stilte te verseker.

Dis die ideale basis van waar jy Pretoria, Johannesburg en Gauteng in die algemeen kan verken en bied 'n plek waar jy kan ontspan en jouself kan oriënteer in Suid-Afrika voor jy die res van die land verken. Indien jy raad nodig het rakende roetes om te neem, hoe om jou tyd te verwyl, of waar jy waarde vir geld kan kry, is jy meer as welkom om ons te vra.

Ons kan plaaslike toere en uitstappies verder uit reël en sommige van ons pakkette is sowat die helfte goedkoper as sommige geadverteerde toeragentskappe s'n. Kyk gerus uit vir ons toere na die Krugerwildtuin.

Ons is in 'n stil straat in 'n veilige buurt langsaan die universiteit se sportgronde geleë en is na aan verskeie winkels en die naglewe van Hatfield en verskeie ambassades. Gaste het ook gebruik van ons heerlike tuin, die lapa en braai-area, of maak 'n vreugdevuur as jy sou wou. Daar is DStv en verskeie speletjies en sosiale doendinge beskikbaar.

Kry ’n Kwotasie