Beskrywing

166 Cradock Street is 'n groot, mooi ingerigte en klassieke Karoo-huis wat ook 'n nasionale monument is. Die huis is in Graaff-Reinet se geskiedkundige Cradockstraat geleë. Die is 'n gerieflike basis vanwaar jy die dorp kan besoek en is ook binne loopafstand van verskeie museums en restaurante.

Die huis het 3 slaapkamers, 2 badkamers, 'n kombuis, 'n gekombineerde kombuis en ontbytkamer, 'n aparte leefkamer en 'n ruim eetkamer. Die huis het skaars en interessante antieke Kaap-Hollandse eienskappe, soos ingeboude kaste met geelhout- en stinkhoutdeure, en geelhoutkamerdeure, bamboesplafon en antieke ligte. Daar is ook klassieke antieke meubels en prente.

Die eerste slaapkamer het 'n dubbelbed en 'n en suite-badkamer. Die tweede slaapkamer het 2 enkelbeddens en die derde slaapkamer, wat gepas is vir kinders, het 2 enkelbeddens. Die 2 kamers deel 'n tweede badkamer met stort.

Die kombuis is ten volle toegerus vir selfsorg en die eetarea het 'n eetkamertafel en stoele vir 8. Buite is daar 'n skaduryke patio met laserstraal-sekuriteit, onder die eeuoue prieel, met 'n eetkamertafel, stoele en braaigeriewe. Daar is 'n groot ommuurde tuin met uitsigte oor die berge wat Graaff-Reinet omring. Veilige parkeerplek van die straat af vir 2 voertuie en 'n motorhuis word voorsien.