17 Coogee Bay Beachfront Apartment

Selfsorg

Langtermynverblyf-aanbod 25% af

Kry 25% af vir verblyf wat 9 nagte of langer is. Hierdie aanbod is altyd geldig.

Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Deary-laan 1, Coogee Bay 17, Gonubie, Oos-Londen, 5257, Oos-Kaap
Vanaf ~~R1 250~~ R938 per nag (plek vir 6)

Beskrywing

17 Coogee Bay Beachfront Apartment is ’n woonstel in ’n kompleks in Gonubie met 'n see-uitsig. Gonubie is ’n klein kusdorpie by die mond van die Gonubie-rivier, 8 km vanaf Oos-Londen.

Die woonstel bied slaapplek aan 6 gaste (4 volwassenes en 2 kinders) en het 2 slaapkamers. Die hoofslaapkamer het ’n dubbelbed en die tweede kamer het 2 enkelbeddens. Daar is 'n dubbelslaapbank in die sitarea. Die badkamer het ’n stort, wasbak en toilet.

Die oopplan-kombuis is toegerus met ’n yskas-vrieskas, stoof, oond, 'n mikrogolfoond, filerkoffiemasjien, wasmasjien-tuimeldroër en basiese kookgerei. Die sitkamer lei na ’n balkon met ’n lieflike uitsig oor die see en die strand, asook 'n hangmat.

Die sitarea het ’n slim-TV met Netflix en gratis WiFi. Daar is 'n werkstasie en 'n omsetter wat al die ligte en sommige elektronika vir 2 tot 3 ure aan sal hou.

Die woonstel het 'n gasbraai op die balkon en die kompleks het braaigeriewe. Veilige onderdakparkeerplek agter 'n afstandbeheerde hek is beskikbaar.

Watersport soos rivier- of rotsvisvang, branderplankry en roei kan geniet in die strandmeer of see word. Doendinge aan wal sluit in voëlkyk, vierwielmotorfietsry, piekniek, gholf en inkopies by plaasstalletjies. Die woonstel is 'n hanetreetjie vanaf die see en die ingang na Gonubie se promenade. Dit is stapafstand na die plaaslike koffiewinkels en die Pancake House wat albei 'n uitsig oor die see het.

Kry ’n Kwotasie