Beskrywing

17 Ramsgate Dunes is 'n selfsorgwoonstel in 'n kompleks in Marine-rylaan in Ramsgate, 2 km suid van Ramsgate Village en 5 km suid van Margate. Die omliggende omgewing is rustig met geen groot hotelle of winkelsentrums naby nie en bied 'n afgeleë wegbreek van die alledaagse gejaag. 'n Spar, slaghuis, apteek, hardewarewinkel, Tops en ander geriefswinkels is net 'n kort entjie se ry van die woonstel af. Daar is ook verskeie gesinsrestaurante in die omgewing.

Die woonstel het slaapplek vir 6 gaste en beskik oor 3 slaapkamers op die boonste verdieping, 2 badkamers en 'n oopplan-kombuis en -leefarea. Die hoofslaapkamer het 'n koningingrootte-bed en 'n en suite-badkamer. Dié slaapkamer het ook 'n TV en toegang tot 'n balkon war oor die klein reservaat en die see uitkyk. Die tweede slaapkamer het 'n dubbelbed en die derde slaapkamer het 2 enkelbeddens. Dié slaapkamers deel 'n badkamer met 'n stort.

Die kombuis is ten volle toegerus vir selfsorggebruik en beskik oor 'n skottelgoedwasser, stoof, oond, yskas-vrieskas, mikrogolfoond, breekware en eetgerei. Die eetarea het sitplek vir 5 gaste en in die sitkamer is daar 'n gemaklike sitkamerstel en 'n TV. Daar is ook 'n gaste-toilet. Die binnehof is geplavei en bied opwasgeriewe buite, 'n wassery, 'n wasgoedlyn en 'n buitestort. Die stoep het 'n groot eetarea, sowel as 'n ingeboude braai en 'n aparte sitarea waar gaste lekker met 'n boek kan ontspan.

Daar is 'n motorafdak vir parkeerplek voor die eenheid. Daar is strandstoele en sambrele in die stoorkamer in die motorhuis beskikbaar. Let asb. daarop dat gaste hulle eie strandhanddoeke, en DStv-dekodeerder en -slimkaart vir die DStv-koppelpunt moet saambring. Rook is verbode in die eenhede. Troeteldiere word nie in die kompleks toegelaat nie.

Die woonstel is in 'n klein veilige kompleks geleë wat oor elektriese heinings met afstandbeheerde toegang en 'n noodknoppie-afstandbeheer beskik. 'n Klein, dun natuurreservaat skei die woonstel van die strand. Die reservaat bied pragtige natuurskoon, beskutting teen die wind en privaatheid teen die strandgangers. Dit is net 200 m van die Southbroom-strand met lewensredders, 'n strandmeer, 'n restaurant en 'n getypoel af. Daar is 'n wonderlike paadjie al langs die strandfront - ideaal vir oefen en luilekker wandelinge. Die kompleks het ook 'n swembad en 'n klubhuis. Die kompleks het 'n boorgat so gaste sal nooit sonder water sit nie.