177 Flamingo Bay

Selfsorg

Kapasiteit: 7 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Flamingo Bay 177, Fisherhaven, Hermanus, 7441, Wes-Kaap
Vanaf R7 500 per nag (plek vir 7)

Beskrywing

177 Flamingo Bay is 'n lieflike selfsorgvakansiehuis op Flamingo Bay Estate in Fisherhaven, sowat 18,9 km buite Hermanus. Dit is ideaal vir vriende en familie wat op soek is na 'n gerieflike basis vanwaar hulle die omliggende gebiede kan verken.

Dié dubbelverdiepinghuis bied slaapplek aan 7 gaste en beskik oor 3 slaapkamers met en suite-badkamers en 'n aparte toilet. Die eerste slaapkamer het 'n koningingrootte-bed en 'n en suite-badkamer met 'n bad, stort, wasbak en 'n toilet. Die tweede slaapkamer het 'n koningingrootte-bed en daar is 'n enkelbed en 'n stapelbed in die derde slaapkamer. Albei hierdie slaapkamers het 'n en suite-badkamer met 'n stort, wasbak en 'n toilet. Linne en handdoeke word voorsien.

Die oopplan-kombuis is met 'n yskas-vrieskas, gasstoof, oond, mikrogolf, eetgerei, breekware, tee- en koffiemaakgeriewe, 'n toonbank met stoele en 'n ingeboude binnebraai toegerus. Die opwasarea het 'n skottelgoedwasser, wasmasjien en 'n tuimeldroër. Daar is 'n etenstafel, gemaklike rusbanke, 'n TV en 'n kaggel in die leefarea. WiFi is beskikbaar.

Verder is daar 'n onderdakstoep met meubels en braaigeriewe, 'n motorhuis en sonpanele met omsetters op die perseel. Gaste het toegang tot die landgoed se gemeenskaplike swembad, 'n speelarea vir kinders en 'n klubhuis. Die verblyf is naby plaaslike geriewe soos winkels en restaurante.

Kry ’n Kwotasie