186Ridge

Selfsorg

Gratis kansellasie tot 1 week voor jou verblyf!
Kapasiteit: 3 persone
Alle ouderdomme is welkom
Inkloktyd: 13:00 tot 23:00
Uitkloktyd: 10:00
Adres: Ridge-straat 186, Muckleneuk, Pretoria, 0002, Gauteng
Vanaf R1 350 per nag, vir 3 mense
TGCSA-gradering:

Beskrywing

186Ridge is 'n selfsorg-tuinwoonstel aan die buitewyke van die statige, ou voorstad Muckleneuk, en dis stapafstand vanaf UNISA. Ons is slegs 'n paar minute van die sentrale sakekern af, tog is die area vreedsaam en stil met bome wat die strate belyn en geen stadsgeraas wat die vreedsaamheid van die woonbuurt versteur nie.

Die woonstel het 'n leefarea met 'n dubbelbed, gemakstoele, 'n eetarea en 'n TV met Netflix-toegang en 'n DVD-speler. 'n Kleiner slaapkamer met 'n enkelbed vorm ook deel van die woonstel. 'n Privaat badkamer is beskikbaar vir die eenheid en handdoeke, seep en sjampoe word voorsien. Die kombuis is volledig toegerus met 'n vierplaatstoof, 'n oond, 'n mikrogolfoond, yskas en ander toebehore. Daar is 'n Jacuzzi en 'n sauna vir die eksklusiewe gebruik van ons gaste in die woonstel.

Geniet 'n lieflike uitsig oor die tuin en eendedam, waar Clyde, Thelma en Louise, die inwonende eende, en verskeie ander voëlsoorte te sien is. Saans kan jy moontlik die plaaslike nagapies in die boomtoppe sien kerjakker. Ons is na aan verskeie uitstekende restaurante en kroeë.

186Ridge is stapafstand van UNISA se hoofkampus af (minder as 10 minute se stap) en UNISA se Sunnyside-kampus is slegs 20 minute se stap van ons af. Dis gerieflik na aan verskeie ambassades geleë, waaronder die Ambassade van België, Finland, Egipte, Frankryk en Nederland.

Aangesien ons na aan verskeie hoofroetes geleë is, is dit maklik om van en na ons instansie te reis. Die roetes wat maklik toeganklik van ons af is sluit in: R21 (die roete na en van die OR Tambo Internasionale Lughawe) en die Ben Schoeman Snelweg (na en van Johannesburg).

Kry ’n Kwotasie