189 Casa Del Playa

Selfsorg

Gratis kansellasie tot 1 week voor jou verblyf!
Soos Gesien op Facebook
Kapasiteit: 8 persone
Alle ouderdomme is welkom
Inkloktyd: 15:00 tot 17:00
Uitkloktyd: 10:00
Adres: Dassen Island-rylaan 189, Yzerfontein, 7351, Wes-Kaap
Vanaf R6 300 per nag (plek vir 8)

Beskrywing

189 Casa Del Playa is 'n minimalistiese selfsorgeenheid met 'n omsetter op die onderste verdieping van 'n woonhuis in Pearl Bay, Yzerfontein. Hierdie huis is oorkant die pad van die strand geleë en hiér kan gaste die buitelewe geniet, op die strand gaan stap, visvang of sommer net ontspan. Neem 'n piekniekmandjie af strand toe en bewonder die pragtige sonsondergang.

Dié eenheid op die onderste verdieping bied slaapplek aan 8 gaste en beskik oor 4 ruim en suite-slaapkamers met storte in die badkamers. Die eerste slaapkamer het 'n koninggrootte-bed wat in 2 enkelbeddens omskep kan word en die ander 3 slaapkamers het elkeen 'n koningingrootte-bed en 'n uitsig oor die tuin. Die beddens is met wit linne oorgetrek en badhanddoeke, strandsakke en strandhanddoeke word vir elke slaapkamer voorsien.

Die oopplan-leefarea beskik oor 'n kombuis, eetarea en 'n sitarea. Daar is 'n kaggel, slim-TV met Netflix, boeke en speletjies in die leefarea. Gratis WiFi is ook beskikbaar. Die kombuis is met 'n gasstoof, elektriese oond, yskas en 'n mikrogolfoond toegerus. Die aparte opwaskamer het 'n skottelgoedwasser en 'n wasmasjien. Die etenstafel het sitplek vir 10.

Die leefarea het stapeldeure wat na 'n kuier- en braai-area buite lei waar daar 'n houttafel met sitplek vir 8, stoepmeubels en sambrele is.

Kry ’n Kwotasie