203 Northwood - Your Home away from Home

Selfsorg

Gratis kansellasie tot 1 week voor jou verblyf!
Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Market-straat 26, Northwood 203, Paarl, 7624, Wes-Kaap
Vanaf R2 000 per nag (plek vir 4)

Beskrywing

203 Northwood - Your Home away from Home is 'n opgeknapte woonstel in die hartjie van die Kaapse Wynlande in die Paarl. Die woonstel se sentrale ligging bied maklike toegang tot groot besienswaardighede in die Wynlande, bekende restaurante en wynlandgoedere. Dis ook naby topskole in die Paarl, soos Paarl Boys laer- en hoërskool, La Rochelle, en Paarl Gimnasium.

Dié woonstel bied slaapplek aan 4 gaste en beskik oor 2 slaapkamers, 1,5 badkamers en 'n oopplan-kombuis, -eetarea en -sitarea. Die hoofslaapkamer het 'n koningingrootte-bed en daar is 2 enkelbeddens in die tweede slaapkamer. Gaste deel 'n badkamer met 'n stort, wasbak en 'n toilet. Daar is ook 'n aparte toilet. Linne en handdoeke word voorsien.

Die oopplan-kombuis is met 'n yskas-vrieskas, gasstoof, oond, lugbraaier, mikrogolf, eetgerei, breekware, 'n Nespresso-masjien, 'n skottelgoedwasser en wasmasjien toegerus. Dit strek tot by die eetarea en verder na die sitarea met lugversorging, gemaklike rusbanke en 'n TV. Daar is ook 'n werksarea. Die eenheid kom met 'n omsetter en battery om die ligte en TV tydens beurtkrag aan te hou.

Die eenheid lei na 'n klein balkon met 'n uitsig oor die weelderige groen park. Hierdie woonstel is op die drumpel van die Faura-stadion en die Market St. Bridge, die begin van die Bergrivier-kanomarathon.

Kry ’n Kwotasie