23 Key Largo

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Topham-weg 5, Key Largo 23, Doonside, 4126, KwaZulu-Natal
Vanaf R800 per nag (plek vir 4)

Beskrywing

23 Key Largo is 'n smaakvolle selfsorgeenheid op die grondverdieping van 'n gewilde, kindervriendelike oordstyl-kompleks in Doonside. Die kompleks spog met direkte toegang tot die wit sandstrande waar lewensredders swemmers veilig hou. Gaste kan op die stoep ontspan en die vars seebriese en klanke van die golwende branders geniet. Gaste sal ook gedurende wintermaande walvisse en dolfyne kan gewaar en selfs die jaarlike Suidkus Sardientjieloop kan ervaar.

Die eenheid is ideaal vir maksimum 3 volwassenes en 1 kind onder die ouderdom van 16. Dit beskik oor 1 slaapkamer, 1 badkamer, 'n oopplan-kombuis en 'n leefarea met 'n skuifdeur wat na die onderdakstoep lei. Die slaapkamer het 'n dubbelbed en daar is 2 enkelslaapbanke en 'n dubbelslaapbank in die leefarea. Die badkamer het 'n stort, wasbak en toilet. Bad- en swemhanddoeke word voorsien.

Die kombuis is met 'n yskas-vrieskas, stoof, oond, mikrogolf, skottelgoedwasser en etenstafel met 4 stoele toegerus. Die leefarea het 'n platskerm-TV met sekere OpenView-kanale. Indien gaste DStv wil kyk moet hulle hul eie dekodeerder saambring of met hul eie besonderhede op die DStv-toep inteken aangesien die eenheid wel WiFi het. Elke vertrek het ook 'n dakwaaier.

Buite is daar 'n aangewese motorafdak vir voertuie. Die kompleks bied 'n rits geriewe op die perseel insluitend 'n swembad, gimnasium, tennisbane, muurbalbane, 'n wasgoedkamer en braaigeriewe. Die kompleks is ook naby winkels, restaurante en 'n verskeidenheid toeriste-besienswaardighede.

Kry ’n Kwotasie