Beskrywing

24 Bush House Mabalingwe is in die Mabalingwe Wildreservaat geleë en bied gemaklike selfsorgverblyf in 'n knus huis met uitsigte oor die bos. Die huis bied slaapplek aan slegs 6 volwassenes en 6 kinders en die beddens vir die kinders mag nie vir volwassenes gebruik word nie.

Die huis bied slaapplek aan 6 gaste in 3 uniek versierde dubbelkamers. Die hoofslaapkamer het 'n stort en 'n bad en die tweede en derde slaapkamers het elkeen 'n stort. Die solderkamer het 3 enkelbeddens met uitrolbeddens onder elkeen, wat ideaal is vir kinders. Dié kamer het ook 'n skuifdeur wat na 'n patio lei waar gaste uitsigte oor die omgewing kan geniet. Linne en badhanddoeke word voorsien. Die huis het 'n oopplan-kombuis en -sitkamer wat na 'n patio met 'n tafel en stoele lei. Die huis beskik oor volledige DStv. Die kombuis het 'n kombuistoonbank en Rhodesiese djatihoutstoele. Verder is dit volledig toegerus met 'n wyn-yskas, 'n ysmasjien, 'n sesplaat-gasstoof, eetgerei en breekware.

Gaste kan ontspan in 'n verhewe plonspoel wat oor die omgewing uitkyk of in die boma-area met 'n braai en 'n wasbak. Mabalingwe Wildreservaat is sowat 34 km vanaf Bela-Bela, in die hartjie van die Waterberg.

Gaste kan gerus lusern in Bela-Bela aanskaf om diere na die watergat te lok.

Maak asb. seker dat die vensters gesluit is en deure behoorlik toegemaak is aangesien die apies lastig kan wees en eiendom kan beskadig.

Ons hoop dat jy jou verblyf by 24 Bush House sal geniet. Moenie huiwer om ons te kontak indien jy enige verdere inligting of hulp nodig het nie.