24 Degrees Self-Catering

Selfsorg

Kapasiteit: 21 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: 24 Degrees South, R531, Hoedspruit, 1380, Limpopo
Vanaf R1 250 per nag (plek vir 3)

Beskrywing

24 Degrees Self-Catering is net 25 km vanaf Hoedspruit op die R531. Dit is op 'n 90 hektaar-wildplaas en die uitsigte op die Blydeberge is pragtig. Die verblyf is naby die Byderivierpoort en die Krugerwildtuin, wat dit ideaal maak vir gaste wat die Laeveld wil verken.

Daar is 6 chalets en die Bush View Chalet het 'n oopplan-sitkamer met 'n kombuisie. Basiese selfsorggeriewe, soos 'n tweeplaatstoof, oondjie, yskassie en 'n ketel word voorsien. Die leefarea het gemaklike sitplek en 'n TV met sekere DStv-kanale. WiFi is beskikbaar. Elke chalet het 'n onderdakstoep met meubels en braaigeriewe. Veilige parkeerplek word voorsien.

Waterside Cottage is 'n oopplan-kothuis teen 'n lieflike dam met 'n ingeslote tuin, boma en plonspoel. Die kothuis beskik oor 2 en suite-slaapkamers, 'n volledige kombuis, eetarea en sitarea met 'n toegeboude dek.

Studio Apartment is 'n oopplan-woonstel wat oor 2 slaapkamers, 2 badkamers, 'n volledig toegeruste kombuis, sitarea en 'n eetarea beskik. Gaste het ook toegang tot 'n kantoor en 'n boma, en kan die uitsig op die berge geniet.

Farm House beskik oor 3 slaapkamers, 2 badkamers, 'n volledig toegeruste kombuis, eetarea en 'n sitarea. Daar is ook 'n braai-area met 'n uitsig oor die natuurreservaat.

Red Rock Villa is 'n moderne oopplan-slaapkamer met 'n volledig toegeruste kombuis, stoepbraai en 'n privaat swembad.

Tydens beurtkrag is die ligte, water en WiFi steeds bruikbaar, en daar is ook waaiers wat met batterye werk en 'n gasstoof.

24 Degrees South is 'n klein, privaat natuurreservaat en gaste is welkom om te gaan stap of fietsry op die perseel.

Kry ’n Kwotasie