28 on Twist

Selfsorg

Soos Gesien op Facebook
Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Twiststraat 28, Pearly Beach, 7220, Wes-Kaap
Vanaf R2 500 per nag, vir 6 mense

Beskrywing

28 on Twist bied gerieflike selfsorgverblyf in 'n lieflike vakansiehuis met 'n see-uitsig. Dié smaakvol versierde vakansiehuis is slegs 250 m vanaf Castle-strand, die hoofswemstrand in Pearly Beach. Pearly Beach is op die walvisroete geleë en ideaal vir walviskykwegbreke gedurende die seisoen.

Die huis bied slaapplek aan 6 gaste en beskik oor 3 slaapkamers. Die eerste slaapkamer het 'n koninggrootte-bed, 'n platskerm-TV met die volle DStv-pakket en 'n en suite-badkamer met 'n stort-oor-bad, toilet en 'n dubbelwasbak. Die tweede slaapkamer het 2 enkelbeddens wat in 'n koninggrootte-bed omskep kan word en dit word met 'n leer bereik. Die derde slaapkamer het 2 enkelbeddens. Die gaste in dié 2 slaapkamers deel 'n badkamer wat 'n stort-oor-bad, toilet en 'n wasbak het. Daar is ook 'n aparte gastetoilet.

Die huis beskik oor 'n oopplan-kombuis, -sitarea en -eetarea. Die kombuis is met 'n yskas, oond, stoof, skottelgoedwasser en 'n mikrogolfoond toegerus. Die eetarea het 'n etenstafel met sitplek vir 8 gaste en die sitarea het 'n L-vormige rusbank en 'n kaggel. Daar is 'n aparte TV-kamer met rusbanke en 'n platskerm-TV met die volle DStv-pakket.

Stapeldeure lei na 'n dek met 'n etenstafel, sitplek, 'n dagbed, hangmat en ketelbraaigeriewe, asook 'n vuurput met sitplek. Gaste kan die pragtige sonsondergang vanaf die dek bewonder, en daar is 'n buitestort waar hulle die sand ná 'n dag op die strand kan afspoel.

Veilige parkeerplek is in 'n outomatiese motorhuis beskikbaar. Daar is 'n geëlektrifiseerde palissade-heining om die huis, 'n outomatiese hek en 'n alarmstelsel wat aan 'n sekuriteitsmaatskappy gekoppel is.

Kry ’n Kwotasie