3 Eden Sands

Selfsorg

Spesiale Aanbod 25% af

Bly 4 nagte en betaal slegs vir 3. Geldig vir verblyf vanaf 2 Sep 2024 tot 22 Nov 2024.

Kapasiteit: 4 persone
Alle ouderdomme is welkom
Inkloktyd: 14:00 tot 16:00
Uitkloktyd: 09:00
Adres: Middleton-weg 42, Winklespruit, Amanzimtoti, 4126, KwaZulu-Natal
Vanaf ~~R930~~ R698 per nag (plek vir 4)

Beskrywing

3 Eden Sands bied strandfrontverblyf in Kingsburgh en dis geskik vir sakereisigers en vakansiegangers. Die selfsorgwoonstel bied 'n see-uitsig en dis in 'n veilige kompleks met direkte toegang tot die strand. Dis ook naby verskeie winkelsentrums in die omgewing en Durban is sowat 30 km ver.

Die woonstel op die grondverdieping bied slaapplek aan 4 gaste en beskik oor 2 slaapkamers en 'n badkamer. Die hoofslaapkamer het 'n koningingrootte-bed en die tweede slaapkamer het 2 enkelbeddens. Die badkamer het 'n stort. Die kombuis is met 'n mikrogolfoond, stoof, yskas, ketel, broodrooster en basiese kombuisware toegerus. Die oopplan-leefarea langsaan het 'n TV met DStv. Die leefarea lei na die stoep met 'n tafel en stoele. Die woonstel het ook 'n lessenaar met 'n see-uitsig.

Die woonstel is naby die gemeenskaplike swembad en braaigeriewe. Die eenheid het 'n geallokeerde parkeerplek onder 'n skadunet en dis in die kompleks.

Word aan die slaap gesus met die branders wat in die agtergrond breek en geniet soggens die pragtige sonsopkoms. Gaan vir lang wandelings op die strand en swem in die warm Indiese Oseaan. Dis die ideale bestemming vir strandliefhebbers.

Kry ’n Kwotasie