3 on Elizabeth

Selfsorg

Gratis kansellasie tot 1 week voor jou verblyf!
Kapasiteit: 4 persone
Alle ouderdomme is welkom
Inkloktyd: 12:00 tot 18:00
Uitkloktyd: 11:00
Adres: Elizabeth-Wes 3, Port Owen, 7365, Wes-Kaap
Vanaf R1 500 per nag (plek vir 4)

Beskrywing

3 on Elizabeth is 'n smaakvol gemeubileerde woonstel met 'n aparte ingang op die eienaar se perseel. Hierdie woonstel is in Port Owen, tussen Laaiplek en Velddrift, geleë. Dit is ideaal vir 'n gesin of 'n groep vriende en is naby verskeie aktiwiteite.

Dié eenheid bied slaapplek aan 4 volwassenes, 1 kind en 'n baba. Dit beskik oor 2 slaapkamers en 'n badkamer. Biede slaapkamers het 'n dubbelbed en daar is 'n slaapbank geskik vir 'n kind in die leefarea, asook 'n bababed indien dit benodig word. Die badkamer het 'n stort, wasbak en 'n toilet. Die beddens is met 100% Egiptiese katoenlinne oorgetrek en handdoeke word voorsien.

Die kombuisie is met 'n yskassie, mikrogolfoond, lugbraaier, broodrooster, elektriese braaipan, eetgerei, breekware, ketel en 'n koffiedompelpot toegerus is. Dit lei na die klein sitarea met gemaklike sitplek en 'n TV met die volle DStv-pakket en Netflix. Gratis WiFi is beskikbaar.

Die privaat binnehof het 'n etenstafel met sitplek vir 6 en 'n Weber-braai, asook 2 sakke hout, 1 sak houtskool, vuuraanstekers en 'n tafel met braaitoerusting.

Daar is parkeerplek op die perseel net buite die stoep se hek vir twee motors of 'n boot beskikbaar.

Elke kamer het draagbare lampies vir beurtkrag.

Hierdie verblyf is sowat 800 m vanaf 'n plaaslike kroeg met musiekopvoerings oor naweke, 4 restaurante, 'n klein winkeltjie en 'n gin-distilleerdery waar gaste ook gin kan proe. Dié klein kompleks het ook 'n haarkapster, skoonheidsalon en 'n visvangwinkel. Gasta kan kanoes en trapbote by die marina huur of 'n bootvaart op die Atlantiese Oseaan reël. Die Bergrivier is slegs 5 minute vanaf die verblyf en gaste kan boot- en voëlkykvaarte op die rivier geniet.

Kry ’n Kwotasie