Beskrywing

3 Siesta is 'n rustige, ruim selfsorgtuinwoonstel in die veilige Siesta-kompleks in Shakas Rock. Thompsonsbaai se strand is oorkant die pad en word maklik via 'n paadjie bereik. Dié strand word reg deur die week deur lewensredders beman en spog met die bekende 100 m Thompsonsbaai-getypoel. Die kompleks is 5 minute se ry van Ballito se middedorp, gewilde restaurante en ander geriewe af.

Die woonstel het slaapplek vir 4 volwassenes en 2 kinders en beskik oor 2 slaapkamers, 2 badkamers en 'n oopplankombuis, -eetarea en -leefarea. Die hoofslaapkamer het 'n ekstra lang koningingrootte-bed en 'n en suite-badkamer met 'n stort, toilet en 'n wasbak. Die kamer het 'n uitsig oor die oseaan. Die tweede slaapkamer het 'n ekstra lang koningingrootte-bed en maak gebruik van die hoofbadkamer met 'n bad, stort, toilet en 'n wasbak het. Albei slaapkamers het lugversorging en plafonwaaiers. 'n Dubbel-opblaasmatras kan op versoek in die sitkamer gesit word vir 2 kinders.

Die kombuis is ten volle toegerus vir selfsorg met 'n stoof, wasmasjien, tuimeldroër, yskas-vrieskas, eetgerei, glasware en kookgeriewe. Die sitarea het 'n platskerm-TV met DStv-Premium, 'n plafonwaaier en daar is 'n lieflike briesie wat op die meeste dae deur die skuifdeur waai. Dié skuifdeur bied toegang tot 'n tuin wat na die see front. Daar is 'n tafel, bankies, stoele, 'n ingeboude braai en 'n ketelbraai in die tuin en dit 'n bied asemrowende uitsig op die see en die sonsopkoms.

Die Siesta-kompleks is veilig en het 'n gemeenskaplike swembad.