Beskrywing

331 Breakers bied gerieflike selfsorgverblyf in 'n smaakvol versierde tweeslaapkamerwoonstel in die Breakers-oord in Umhlanga. Dié oord bied toegang tot die strand en die promenade. Die eenheid in die Breakers-oord word privaat besit.

Die woonstel beskik oor 2 slaapkamers, 'n badkamer en 'n oopplan-kombuis en -leefarea. Die eerste slaapkamer het 'n dubbelbed en die tweede slaapkamer het 2 enkelbeddens. Die badkamer word gedeel en het 'n stort, bad en 'n toilet. Die kombuis is met 'n yskas, stoof, oond en 'n mikrogolfoond toegerus en daar is ook 'n toonbank. Die sitkamer het 'n TV met sekere DStv-kanale wat deur die hotel beheer word en groot vensters wat 'n lekker seebriesie inlaat. Daar is ook lugversorging in die woonstel.

Die woonstel word daagliks skoongemaak, behalwe op Sondae en openbare vakansiedae. Daar is ondergrondse parkeerplek vir 1 voertuig. Gaste kan van die hotel se geriewe gebruik maak. Daar is 'n gimnasium, sitkamer met internet, speelarea vir kinders, 'n salon, putt-putt-baan, 'n restaurant en 3 swembaddens waarvan 1 verhit is.

Die gewilde Umhlanga-promenade strek vir 2,5 km vanaf die Breakers-oord tot by die Malindi-kompleks in die suide. Besoekers kan lekker op die promenade wandel of draf en die ligging bied toegang tot winkels en restaurante in die omgewing.