35 Martinique Apartment

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 20:00
Uitkloktyd: 10:00
Adres: Rock-laan 2, Shaka's Rock, 4399, KwaZulu-Natal
Vanaf R2 350 per nag (plek vir 6)

Beskrywing

35 Martinique Apartment is 'n pragtige selfsorgvakansiewoonstel wat in 'n veilige kompleks in Shakas Rock geleë is en is 'n ideale opsie vir 'n gesinsvakansie aan die Dolfynkus aangesien dit naby die gewilde Thompsonsbaai geleë is en met asemrowende see-uitsigte spog.

Dié woonstel op die derde verdieping het 'n kapasiteit van 6 gaste op 'n slag en beskik oor 3 slaapkamers en 2 badkamers. Die hoofslaapkamer is ingerig met 'n koninggrootte-bed en beskik oor 'n en suite-badkamer met 'n stort. Die tweede slaapkamer het 'n dubbelbed en die derde slaapkamer het 2 enkelbeddens. Hierdie 2 kamers deel die tweede badkamer met 'n bad. Alle linne word voorsien; gaste moet egter hul eie handdoeke saambring.

Die oopplan-leefarea beskik oor 'n stylvolle kombuis wat volledig toegerus is met 'n stoof, oond, mikrogolf, yskas-vrieskas, eetgerei en breekware asook 'n skottelgoedwasser. Van die kombuis af lei 'n knus sitkamer met gemaklike sitplek en 'n TV met DStv. Toegang tot gratis WiFi is beskikbaar. Langs die sitkamer is 'n etenstafel met oorgenoeg sitplek sodat gaste hul maaltye saam kan geniet.

Deur die skuifdeure is daar 'n sonnige patio met 'n buite-eettafel en 'n gasbraai wat 'n ideale plek is vir 'n skemerkelkie terwyl jy die see-uitsigte in die verte bewonder. Gaste het volle toegang tot die kompleks se gemeenskaplike swembad en braaigeriewe.

Kry ’n Kwotasie