360on62 Mountain View Farm Cottages

Selfsorg

Soos Gesien op Instagram
Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Plaas 165, Langs die R62, Montagu, 6750, Wes-Kaap
Vanaf R2 330 per nag (plek vir 4)
TGCSA-gradering:

Beskrywing

360on62 Mountain View Farm Cottages bied selfsorgverblyf in plaaskothuise met 360º-uitsigte op die berge. Die kothuise is op 'n werkende plaas net 7 km buite Montagu in die Klein-Karoo op die R62 geleë. Dit is net 193 km van Kaapstad af en neem reisigers deur die klippoorte van Kogmanskloof na die Klein-Karoo en die bekoorlike dorpie Montagu. Dié geskiedkundige dorpie is in 'n vrugbare vallei geleë wat deur die Swartberge en Langeberge omring word.

Die opknappingswerk aan die kothuise is sorgvuldig en noukeurig voltooi om die geboue se outentieke elemente te bewaar. Die kothuise is eenvoudig, maar linne, breekware, eetgerei, 'n gaskooktoestel en 'n mikrogolf word wel voorsien. Elke kothuis het ook 'n braaiplek op die stoep. Die kothuise het nie TV's nie, sodat gaste se aandag nie van die voëlgesang of die roep van die jakkalse afgetrek word nie. Die gevlekte ooruil en Kaapse ooruil is pragtige roofvoëls wat gereeld rondom die kothuise gehoor en gesien word.

Die gemeenskaplike braaigeriewe by die swembad is ideaal vir 'n groot groep wat saam in die lapa wil braai. Die swembad bied 'n uitsig op die majestueuse Langeberge en is die ideale plek vir 'n skemerkelkie of ontspan na 'n lang, warm dag.

Lentetyd is enige vygie-liefhebber se droom en is werklik die ideale tyd om die Klein-Karoo te besoek. Kom ontspan in die platteland en geniet die manjifieke vertoning van blomme op jou voorstoep. Die plaas het 'n paar goeie voëlkykplekke en die plaas se voëllys sluit 75 spesies, insluitend die visarend, die bloukraanvoël en ander watervoëls by die dam in.

Kry ’n Kwotasie