360on62 Honeymoon Cottage

Selfsorg

Kapasiteit: 2 mense
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Plaas 165, Langs die R62, Montagu, 6750, Wes-Kaap
Vanaf R1 840 per nag (plek vir 2)

Beskrywing

360on62 Honeymoon Cottage bied selfsorgverblyf op 'n werkende plaas en spog met 'n 360 grade-berguitsig. Hierdie plaas is net 7 km buite Montagu, in die Klein-Karoo, op die R62 geleë. Dit is slegs 193 km vanaf Kaapstad deur die Kogmanskloof, na die Klein-Karoo tot by die bekoorlike Montagu. Hierdie geskiedkundige dorpie lê in 'n vrugbare vallei en word deur die Swartberge en Langeberge omring.

Dié knus kothuis bied slaapplek aan 2 gaste en beskik oor 'n slaapkamer met 'n koningingrootte-bed en 'n en suite-badkamer met 'n toilet, wasbak, bad en 'n stort.

Die oopplan-leefarea beskik oor 'n kombuisie wat met 'n yskas-vrieskas, oond, ketel, eetgerei, breekware en 'n gasstoof toegerus is. Daar is ook 'n etenstafel met sitplek vir 2. Die sitarea het gemaklike rusbanke en 'n kaggel. Hierdie kothuis het nie 'n TV nie sodat gaste die voëlgesang kan geniet en hoor hoe die jakkalse en vosse huil. Die gevlekte ooruil en Kaapse ooruil is pragtige roofdiere wat dikwels by die huisies gesien en gehoor kan word.

Daar is 'n stoep met 'n braai-area, buitesitplek en 'n privaat Jacuzzi. Gemeenskaplike braaigeriewe is ook in die lapa by die swembad beskikbaar. Die swembad spog met 'n uitsig op die majestueuse Langeberge. Veilige parkeerplek is op die perseel beskikbaar.

Kry ’n Kwotasie