37 La Mer

Selfsorg

Soos Gesien op Facebook
Kapasiteit: 5 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Illovo-kusweg 27, Illovo Beach, Kingsburgh, 4126, KwaZulu-Natal
Vanaf R3 795 per nag (plek vir 5)

Beskrywing

37 La Mer is in Illovo Beach net 30 km suid van Durban geleë en bied gehalteverblyf aan 'n gesin of 'n groep vriende. Die rustige, ongerepte kusdorpie, Illovo Beach, spog met lekker warm weer die hele jaar lank en die warm tropiese water van die Indiese Oseaan.

Dié woonstel is op die eerste verdieping en beskik oor 3 slaapkamers met slaapplek vir 5 gaste. Die hoofslaapkamer het 'n dubbelbed en 'n en suite-badkamer met 'n stort, bad, toilet en wasbak. Die tweede slaapkamer het 2 enkelbeddens en die derde slaapkamer het 1 enkelbed. Die tweede badkamer het 'n stort, bad, toilet en wasbak.

Die kombuis is toegerus met 'n stoof, oond, yskas-vrieskas, mikrogolfoond, koffie- en teemaakgeriewe, breekware en eetgerei.

Die sitkamer het gemaklike rusbanke, 'n TV met DStv en 'n eetarea met ruim sitplek waar gaste saam hul maaltye kan geniet. Gaste kan ook gratis WiFi-toegang geniet.

Die hoofslaapkamer en sitkamer het direkte toegang tot 'n wye terras met 'n 160 grade-see-uitsig, buitemeubels en 'n gasbraai.

Daar is veilige parkeerplek op die perseel.

Die strand, wat via 'n privaat hek bereik word, is 'n entjie se stap van die woonstel af en bied doendinge in soos visvang, swem in the see wat deur 'n haainet beskerm is, 'n sonbad en eindelose geleenthede vir die bou van 'n sandkasteel. Die strandmeer aan die monding van die Lovurivier is 'n toevlugsoord vir voëlkyk en kanovaart.

Kry ’n Kwotasie