37 Steps

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Kotze-straat 3, Langebaan, 7357, Wes-Kaap
Vanaf R3 191 per nag (plek vir 6)

Beskrywing

37 Steps is stapafstand vanaf Sandbaai-strand in Langebaan en is 'n lieflike vakansiehuis met 'n uitsig oor die pragtige strandmeer. Dit is ideaal vir 'n kusvakansie aangesien die huis 'n onderdakstoep voor het waar gaste met 'n skemerkelkie kan ontspan en die uitsigte bewonder.

Dié huis bied slaapplek aan 6 gaste en beskik oor 3 slaapkamers, 2 badkamers en 'n gastetoilet. Die hoofslaapkamer het 'n koningingrootte-bed en 'n en suite-badkamer met 'n stort. Die tweede slaapkamer het 'n dubbelbed, terwyl die derde slaapkamer 2 enkelbeddens het. Die tweede badkamer het 'n bad, stort, wasbak en toilet. Alle linne en badhanddoeke word voorsien, maar gaste moet hulle eie strandhanddoeke saambring.

Die oopplan-leefarea het 'n kombuis wat met 'n gasstoof, elektriese oond, mikrogolf, yskas-vrieskas, eetgerei en breekware toegerus is. Daar is ook 'n toonbank met stoeltjies, 'n skottelgoedwasser, wasmasjien en tuimeldroër. Die kombuis lei na 'n knus sitarea met gemaklike sitplek, sowel as 'n kaggel. Gratis WiFi is beskikbaar.

Hierdie leefarea lei na 'n onderdakstoep met 'n etenstafel, 'n sitplek en 'n draagbare braai. Verder is daar 'n eetplek onder 'n groot boom waar gaste maaltye saam kan geniet terwyl hulle oor die strandmeer uitkyk.

Kry ’n Kwotasie