37 Steps

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Kotze-straat 3, Langebaan, 7357, Wes-Kaap
Vanaf R3 191 per nag (plek vir 6)

Beskrywing

37 Steps is stapafstand vanaf Sandbaai-strand in Langebaan geleë en is 'n lieflike vakansiehuis met pragtige strandmeer-uitsigte. Dit kan ideaal wees vir 'n kusvakansie aangesien die huis 'n onderdak-patio voor het wat 'n wonderlike plek is vir gaste om ten volle te ontspan met 'n skemerkelkie en die uitsigte te bewonder.

Dié eiendom bied slaapplek aan 6 gaste op 'n slag en beskik oor 3 slaapkamers, 2 badkamers en 'n gastetoilet. Die hoofslaapkamer is ingerig met 'n koningingrootte-bed en beskik oor 'n en suite-badkamer met 'n stort. Die tweede slaapkamer het 'n dubbelbed, terwyl die derde slaapkamer 2 enkelbeddens het. 'n Bad, stort, wasbak en toilet is in die tweede badkamer beskikbaar. Alle linne en badhanddoeke word voorsien; gaste moet egter hul eie strandhanddoeke saambring.

Die oopplan-leefarea beskik oor 'n stylvolle kombuis wat volledig toegerus is met 'n gasstoof, elektriese oond, mikrogolfoond, yskas-vrieskas, eetgerei en breekware asook 'n ontbyttoonbank met stoele. Vir gaste se gerief is 'n skottelgoedwasser, wasmasjien en tuimeldroër beskikbaar. Van die kombuis af lei 'n knus sitkamer met gemaklike sitplek sowel as 'n kaggel. Toegang tot gratis WiFi is oral in die huis beskikbaar.

Hierdie leefarea maak oop op 'n onderdakstoep met 'n buite-etenstafel, 'n sitplek en 'n draagbare braai. Boonop is daar 'n buitelug-eetplek onder 'n groot boom waar gaste hul maaltye saam kan geniet terwyl hulle oor die strandmeer uitkyk.

Kry ’n Kwotasie