404 Dromedaris

Selfsorg

Kapasiteit: 4 persone
Alle ouderdomme is welkom
Inkloktyd: 15:00 tot 17:00
Uitkloktyd: 10:00
Adres: Strandstraat 109, 404 Dromedaris, Amanzimtoti, 4126, KwaZulu-Natal
Vanaf R850 per nag (plek vir 4)

Beskrywing

404 Dromedaris is 'n selfsorgwoonstel wat gehalteverblyf in 'n gebou op die strandfront in Amanzimtoti bied. Die kompleks is naby die strand, restaurante en winkelsentrums geleë.

Die woonstel is geskik vir 4 volwassenes en 2 klein kinders en het 2 slaapkamers, 2 badkamers, 'n leefarea met ‘n slaapbank en 'n kombuis. Die hoofslaapkamer het 'n dubbelbed en 'n en suite-badkamer met 'n stort. Die tweede slaapkamer het 2 enkelbeddens en gaste gebruik 'n aparte badkamer wat 'n stort het. Daar is 'n slaapbank in die leefarea vir 2 kinders. Linne word voorsien. Bad- en strandhanddoeke word nie voorsien nie.

Die kombuis is met 'n yskas-vrieskas, stoof, oond en 'n mikrogolfoond toegerus. Daar is ‘n wasmasjien en geriewe om die linne en klere op te hang.

Die oopplan-leefarea het 'n gemaklike sitarea met ‘n see-uitsig en bied ook ‘n etenstafel met sitplek vir 4 gaste.

Die woonstel het onbeperkte WiFi en ‘n slim-TV met Netflix en Prime. Vir enige ander platforms moet gaste hul eie profiele hê en self kan inteken.

Die kompleks het 'n gemeenskaplike braai-area en daar is veilige parkeerplek vir slegs 1 voertuig. Addisionele voertuie en parkeerplek moet vooraf gereël word teen ‘n ekstra koste per nag.

Kry ’n Kwotasie