51 on Church

Gastehuis

Kapasiteit: 11 persone
Alle ouderdomme is welkom
Inkloktyd: 15:00 tot 21:00
Uitkloktyd: 10:00
Adres: Kerkstraat 51, Doorn, Welkom, 9459, Vrystaat
Vanaf R850 per nag (plek vir 2)

Beskrywing

51 on Church bied gerieflike, stylvolle, skoon en veilige oornagverblyf vir gesins- of sakereisigers.

Die gastehuis is minder as 'n kilometer vanaf Goldfields Mall & Casino, Welkom Square, Medi-Clinic en Welkom se sakekern.

Die gastehuis maak van sonkrag gebruik en het noodkragbystand tydens beurtkrag. Die gastehuis het ook 'n boorgat en 5 000 L-tenk met 'n waterpomp.

Die Purple Plum-kamer het 'n dubbelbed en 'n en suite-badkamer met 'n stort, bad, toilet en 'n wasbak. Daar is ook 'n slim-TV met die volle DStv-pakket, onbeperkte WiFi, lugversorging, 'n yskas en tee- en koffiemaakgeriewe.

Die Silver Glass-kamer het 'n dubbelbed en 'n en suite-badkamer met 'n stort, toilet en 'n wasbak. Daar is ook 'n slim-TV met die volle DStv-pakket, Netflix, onbeperkte WiFi, lugversorging, 'n yskas en tee- en koffiemaakgeriewe.

Die Duck Egg Blue-selfsorgwoonstel beskik oor 2 slaapkamers en 2 en suite-badkamers en bied slaapplek aan 4 gaste. Die hoofslaapkamer het 'n dubbelbed en 'n en suite-badkamer met 'n stort, bad en 'n wasbak. Die tweede slaapkamer het 2 enkelbeddens en 'n en suite-badkamer met 'n stort en 'n wasbak. Die oopplan-kombuis is met 'n mikrogolfoond, yskas, tee- en koffiemaakgeriewe, eetgerei en breekware toegerus. Daar is ook 'n sitarea en 'n privaat braai-area. Onbeperkte WiFi en 'n slim-TV met die volle DStv-pakket en Netflix is beskikbaar.

Die Nordic Blue-kamer het 'n ekstra lang koningingrootte-bed en 'n en suite-badkamer met 'n stort, toilet en 'n wasbak. Daar is ook 'n yskassie, tee- en koffiemaakgeriewe, onbeperkte WiFi, 'n slim-TV met die volle DStv-pakket en Netflix, en lugversorging. 'n Skuifdeur lei na die stoep waar gaste kan rook en die tuin-uitsig kan bewonder.

Kry ’n Kwotasie