52 on Fish Hoek

Gastehuis

Soos Gesien op Facebook
Kapasiteit: 8 persone
Geen kinders onder 12
Inkloktyd: 14:00 tot 19:00
Uitkloktyd: 10:00
Adres: Simonstadweg 52, Vishoek, 7975, Wes-Kaap
Vanaf R1 200 per nag (plek vir 2)

Beskrywing

52 on Fish Hoek is 'n gastehuis in Vishoek wat smaakvol versier is en pragtige see-uitsigte bied. Dit is stapafstand vanaf Jager's Walk en Vishoek-strand.

Verblyf word in 2 ruim selfsorg-eenhede en 'n gastekamer aangebied. Die selfsorgeenhede het ’n yskas, mikrogolfoond, tweeplaatstoof en tee- en koffiemaakgeriewe. Die gastekamer het tee- en koffiemaakgeriewe, 'n yskassie en mikrogolfoond.

Al die kamers het ook groot vensterbanke met panoramiese uitsigte oor die see en op die berge. Verder is daar gratis WiFi, TV's met Netflix en lugversorging.

Gaste kan lekker uitspan op die pragtige houtdek wat 'n ononderbroke uitsig oor die see en op die berge het, of kan in die swembad afkoel. Die eiendom strek oor 3 verdiepings waarvan die kamers op verdieping 2 en 3 is. Daar is trappe om na die verskillende verdiepings te beweeg.

Vishoek-strand is een van die veiligste swemstrande in Kaapstad en is daarom gewild vir branderplankry, branderry, lyfplankry, seilplankry en kajakroei.

Kry ’n Kwotasie