62 on Adderley

Selfsorg

Gratis kansellasie tot 1 week voor jou verblyf!
Kapasiteit: 6 persone
Geen kinders onder 8
Inkloktyd: 14:00 tot 19:00
Uitkloktyd: 10:00
Adres: Adderley-straat 62, George, 6529, Wes-Kaap
Vanaf R900 per nag (plek vir 2)

Beskrywing

62 on Adderley bied lieflike selfsorgvakansieverblyf in die hartjie van George. Dit kan 'n goeie opsie wees vir 'n gesinswegbreek of 'n paartjie wat uit die stad se gewoel wil ontsnap, want hierdie eiendom bederf met 'n uitnodigende swembad wat ideaal is vir die somer.

Hierdie eiendom bied die keuse van óf Sun Kissed Views wat 'n woonstel met slaapplek vir 4 is, óf Garden Haven wat 'n ateljee met slaapplek vir 2 is. Sun Kissed Views beskik oor 'n slaapkamer wat gemeubileer is met 'n koningingrootte-bed en 'n dubbelslaapbank in die leefarea. Garden Haven is ook ingerig met 'n koningingrootte-bed en albei woonstelle het 'n en suite-badkamer met 'n stort, wasbak en toilet. Alle linne en badhanddoeke word voorsien; gaste moet egter hul eie swemhanddoeke saambring.

Elke eenheid het 'n leefarea met 'n kombuis wat toegerus is met 'n gasstoof, mikrogolf, yskas-vrieskas, eetgerei en breekware asook tee- en koffiemaakgeriewe. Die Sun Kissed Views-woonstel het ook 'n elektriese stoof en oond. Boonop is daar 'n eetarea en 'n sitkamer in elke woonstel. Vir gaste se vermaak is 'n TV en gratis WiFi beskikbaar.

Buite elke woonstel is 'n privaat patio met 'n tafel en stoele waar gaste 'n oggendkoffie kan geniet. Gaste het volle toegang tot die eiendom se welige groen tuin en uitnodigende swembad om op daardie warm somersdae af te koel.

Kry ’n Kwotasie