Beskrywing

642 on Vincent is 'n lieflike eenheid op die eienaar se perseel in Moreletapark, Pretoria-Oos. Dit is naby groot winkelsentrums, kerke en snelweë soos die N1 en die R21 geleë.

Die knus eenheid bied slaapplek aan 2 gaste en beskik oor 1 slaapkamer, 1 badkamer, 'n kombuisie en 'n sitarea. Die slaapkamer het 'n dubbelbed en 'n en suite-badkamer met 'n stort, toilet en 'n wasbak.

Die kombuisie is met 'n yskassie, gasstoof, konveksie-oondjie, tweeplaatstoof, mikrogolfoond, eetgerei, breekware en tee- en koffiemaakgeriewe toegerus.

Die sitarea het 'n gemaklike rusbank, stoele en 'n platskerm-TV. Gratis WiFi is ook beskikbaar. Die skuifdeur lei na 'n privaat stoep in die tuin met 'n klein tafel, stoele en braaigeriewe. Veilige parkeerplek is op die perseel beskikbaar.