7 on South

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: South-straat 7, Bredasdorp, 7280, Wes-Kaap
Vanaf R850 per nag (plek vir 2)

Beskrywing

7 on South is in Bredasdorp, 'n area bekend vir sy geskiedkundige kerke, kunsgalerye en kunstige winkels. Dis die perfekte plek vir enkelreisigers, paartjies en gesinne.

Verblyf beskik oor 3 eenhede, naamlik 7 on South en The Loft met slaapplek vir 8 gaste in totaal, asook 'n En suit-kamer met slaapplek vir 2 gaste.

7 on South bied slaapplek aan 4 gaste en beskik oor 'n slaapkamer met 'n koningingrootte-bed en 'n en suite-badkamer met 'n stort, toilet en 'n wasbak. Daar is plek vir nog 2 gaste in die oopplan-sitarea met 'n ekstra badkamer met 'n stort. Die oopplan-kombuis is met 'n stoof, mikrogolfoond, yskas en tee- en koffiemaakgeriewe toegerus en daar is ook 'n etenstafel. Die leefarea het 'n ingeboude braai en 'n TV met sekere DStv-kanale. Daar is ook WiFi.

The Loft is 'n pragtige selfsorg-eenheid met 1 slaapkamer en dis op die eerste verdieping. Die eenheid het 2 enkelbeddens wat op versoek in 'n koninggrootte-bed omskep kan word, 'n dubbelslaapbank en 'n en suite-badkamer met 'n stort. Daar is ook 'n leefarea en 'n kombuisie wat met 'n yskas, mikrogolfoond en tee- en koffiemaakgeriewe toegerus is. Die eenheid het ook 'n lessenaar, DStv en WiFi.

Die En suite-kamer het 'n dubbelbed en 'n en suite-badkamer met 'n stort. Die kamer het 'n kombuisie met 'n yskas, mikrogolf, asook tee- en koffiemaakgeriewe. Die kamer het TV met DStv-kanale en WiFi. Daar is ook 'n privaat ingang en stoep me braaigeriewe.

Daar is oorgenoeg onderdakparkeerplek vir voertuie, waentjies en fietse.

7 on South is binne 1 km vanaf verskeie winkels en restaurante. Gaste kan die PE Roux-gedenktuin en die Skipbreuk-museum besoek, asook ’n historiese staptog deur die dorp neem. Heuningberg-natuurreservaat kan besoek word vir voetslaan en voëlkyk.

Kry ’n Kwotasie