8 Oyster Crescent

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Oyster-singel 8, Umhlanga, 4320, KwaZulu-Natal
Vanaf R3 500 per nag (plek vir 10)

Beskrywing

8 Oyster Crescent bied gerieflike selfsorgverblyf in 'n dubbelverdiepinghuis in 'n rustige area in Umhlanga. Dit word omring deur bome en die gekwetter van voëls.

Die huis beskik oor 5 slaapkamers en 3 badkamers. Die eerste slaapkamer het 'n koninggrootte-bed, die tweede slaapkamer het 'n koningingrootte-bed en die ander 3 slaapkamers het elk 2 enkelbeddens. Bad- en stortgeriewe is beskikbaar.

Op die onderste verdieping is daar 'n lekker sitarea, eetkamer en kombuis wat toegerus is met 'n groot yskas, mikrogolf, ingeboude oond en stoof en skottelgoedwasser. Daar is ook 'n gastetoilet op die onderste verdieping. Die stoep is veilig en gaste kan sit en kyk hoe kinders of troeteldiere in die tuin en swembad baljaar terwyl hulle gebruikmaak van die ingeboude braaigeriewe langs die stoep.

Addisionele geriewe sluit 'n dubbelmotorhuis vir veilige parkeerplek, ekstra gasteparkeerplek, 'n wasmasjien, tuimeldroër, TV in die sitarea met die volledige DStv-pakket, gratis WiFi, lugversorging en plafonwaaiers in.

Die huis is 'n kort entjie se ry van Umhlanga Village af waar daar restaurante, kroeë en winkels is. Umhalnga-strand en -promenade is ook net 'n vinnige motorrit van die huis af.

Kry ’n Kwotasie