8 Sovereign Sands

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Umvoti-rylaan, Blythdale, 4450, KwaZulu-Natal
Vanaf R2 700 per nag (plek vir 6)

Beskrywing

8 Sovereign Sands is 'n pragtige selfsorghuis wat op Umvoti-rylaan geleë is. Dit bied aan gaste 'n vakansieparadys weg van die huis af.

Dié huis het slaapplek vir 6 gaste en beskik oor 3 smaakvol gemeubileerde slaapkamers op die boonste verdieping. Elke slaapkamer het sy eie skuifdeur wat na die balkon lei. Daar is ook 4 badkamers en 'n ruim oopplan-kombuis, -eetarea, en -leefarea. Die hoofslaapkamer het 'n lieflike sitarea, 'n koningingrootte-bed en 'n en suite-badkamer met 'n bad, stort, wasbak en 'n toilet. Die tweede en derde slaapkamer het elk 'n koningingrootte-bed en sy eie en suite-badkamer met 'n stort, wasbak en 'n toilet. 'n Gastebadkamer is op die onderste verdieping met 'n bad, stort, wasbak en 'n toilet. Skoon linne en handdoeke word voorsien.

Die oopplan-kombuis is met 'n yskas-vrieskas, stoof, oond, mikrogolf, basiese eetgerei, breekware, tee- en koffiemaakgeriewe toegerus. Daar is 'n toonbank met stoele. Bykomend is daar 'n skottelgoedwasser, wasmasjien en 'n droër. Die ruim leefarea het lugversorging, gemaklike rusbanke en 'n TV.

Die sit- en eetarea lei na die groot balkon met 'n 180 grade-see-uitsig, waar gaste die geluide van die see of die voëllewe kan geniet. Dié eiendom het 'n gemeenskaplike swembad en tuin, en is loopafstand vanaf die strand.

Kry ’n Kwotasie