Beskrywing

92 Sea Lodge bied gerieflike selfsorgverblyf in 'n smaakvol gemeubileerde 3-slaapkamerwoonstel met see-uitsigte. Die woonstel is in die Sea Lodge-kompleks in Umhlanga geleë.

Die woonstel bied slaapplek aan 6 gaste in 3 slaapkamers. Die hoofslaapkamer het 'n dubbelbed en 'n en suite-badkamer met 'n bad en toilet. Die tweede slaapkamer het 'n dubbelbed en die derde slaapkamer het 2 enkelbeddens. Hierdie 2 slaapkamers het toegang tot 'n gastebadkamer met 'n stort en bad. Die hoof- en tweede slaapkamers lei albei uit op 'n balkon vanwaar gaste see-uitsigte kan geniet.

Die woonstel beskik ook oor 'n oopplan-kombuis, -sitkamer en -eetarea. Die kombuis is toegerus met 'n yskas, 'n oond en stoof, en 'n mikrogolfoond, asook 'n skottelgoedwasser, wasmasjien en tuimeldroër vir gaste se gerief. Die sitkamer is toegerus met 'n TV met sekere DStv-kanale en daar is plafonwaaiers in die woonstel vir daardie warm somersdae. Wi-Fi is ook beskikbaar.

Gaste het toegang tot veilige onderdakparkeerplek in die kompleks, en is welkom om van die gemeenskaplike swembad gebruik te maak. Die kompleks bied toegang tot die strand, promenade en Umhlanga Village. Die woonstel word daagliks skoongemaak, behalwe vir Sondae en openbare vakansiedae.