9th Street

Selfsorg

Kapasiteit: 7 persone
Alle ouderdomme is welkom
Inkloktyd: 11:00 tot 19:00
Uitkloktyd: 10:00
Adres: 9d Straat 107, Linden, Johannesburg, 2195, Gauteng
Vanaf R420 per nag, vir 2 mense

Beskrywing

9th Street is in Linden sowat 8 km vanaf Rosebank se Gautreinstasie. Verblyf word gebied in ‘n gerieflike kamer apart van die hoofhuis, asook in 2 aparte ruimtes in die skuur, wat in die agtertuin geleë is. Die gashere woon in die hoofhuis en sal gaste bystaan.

Die Spacious Comfy Private Room het ‘n dubbelbed, 2 gemakstoele, en ‘n badkamer met ‘n stort-oor-bad. Die kamer het ook ‘n lessenaar of etenstafel, yskassie, mikrogolf, tweeplaatstoof met 'n oond, ketel, broodrooster en tee- en koffiemaakgeriewe. Gaste het ook toegang tot ‘n wasmasjien, tuimeldroër en wasgoedlyn.

Die Private Big Space in Barn is in die agtertuin en die skuur se voorste area bied ‘n selfsorgarea met ‘n dubbelbed, rusbank, enkelbed op versoek en ‘n aparte badkamer met ‘n stort. Die kombuisie is toegerus met ‘n mikrogolf, 'n oond met 'n tweeplaatstoof, ketel, broodrooster, eetgerei, breekware en ‘n tafel met stoele. Daar is ook ‘n wasmasjien.

Die Privately Yours, New Barn Room het ‘n koningingrootte-bed, slaapbank en ‘n en suite-badkamer met ‘n stort, toilet en wasbak. Die oopplan-leefarea bied ‘n kombuisie wat met ‘n yskassie, gasstoof, mikrogolf, ketel en broodrooster toegerus is. Gaste het ook toegang tot ‘n wasmasjien, tuimeldroër en wasgoedlyn.

Daar is ‘n gemeenskaplike swembad wat omhein is, veilige parkeerplek en 24 uur-sekuriteit op die perseel. Hoenders en ‘n kalkoen wat gered is woon op die perseel, asook honde, katte, 3 African Grey-papegaaie en goudvisse.

Besoekers is welkom, mits dit met die gashere gereël word. Dis ook naby kruidenierswinkels, restaurante en bus- en taxi-haltes. Ander honde kom woon ook dikwels op die perseel.

Kry ’n Kwotasie